મોરબીમાંથી વિદેહી દારૂ પકડાવવાનો સિલસિલો યથાવત રહ્યો છે. મોરબી તાલુકાના વાઘપર (પીલુડી) ગામે ઓરડીમાંથી વેચાણ અર્થે રાખેલ અલગ અલગ બ્રાન્ડની ભારતીય બનાવટની ઇગ્લીશ દારૂની બોટલો ઝડપાઈ છે. જયારે આરોપી ફરાર થઈ જતા મોરબી તાલુકા પોલીસે તેને પકડવા ચક્રો ગતિમાન કર્યા છે.
મળતી માહિતી અનુસાર, મોરબી તાલુકાના વાઘપર (પીલુડી) ગામે જોગેન્દ્રસિંહ ખેંગારજી જાડેજાની કબ્જા ભોગવટાવાળી ઓરડીમાં આરોપીએ ગેરકાયદેસર પાસ પરમીટ કે આધાર વગર અલગ અલગ બ્રાન્ડની ભારતીય બનાવટની ઇગ્લીશ દારૂની બોટલો વેચાણ કરવાનાં ઇરાદે છુપાડી રાખી હોવાની બાતમી મોરબી તાલુકા પોલીસની ટીમને મળતા તેઓએ સ્થળ પર રેઈડ કરી હતી અને અલગ અલગ બ્રાન્ડની ભારતીય બનાવટની ઇગ્લીશ દારૂની કુલ રૂ.43,980/-ની કિંમતની 108 બોટલોનો મુદ્દામાલ કબ્જે કર્યો હતો. જયારે આરોપી સ્થળ પર હાજર નહિ મળી આવતા તેને પકડવા ચક્રો ગતિમાન કરવામાં આવ્યા છે.
