માળીયા(મી)ના નવા હજીયાસરથી મોટર સાયકલ ઉપર કરિયાણાની દુકાનનો માલ સમાન લેવા મોટર સાયકલ ઉપર નીકળેલ ૬૦ વર્ષીય વૃદ્ધના મોટર સાયકલને પાછળથી ટ્રક ટ્રેઇલરે હડફેટે લેતા, મોટર સાય ચાલક નીચે રોડ ઉપર પટકાયા હતા અને ત્યારે ટ્રેઇલરનું પાછળનું વ્હીલ મોટર સાયકલ ચાલક વૃદ્ધને માથા ઉપર ફરી વળતા, તેમનું સ્થળ ઉપર કમકમાટીભર્યું મોત નીપજ્યું હતું.
મળતી માહિતી અનુસાર, માળીયા(મી) તાલુકાના નવા હજીયાસર ગામે રહેતા અનવરભાઈ સીદીકભાઈ જેડાએ માળીયા(મી) પોલીસ મથકમાં ટ્રક ટ્રેઇલર રજી.નં. જીજે-૧૨-બીઝેડ-૮૬૩૯ના ચાલક વિરુદ્ધ ફરિયાદ નોંધાવી જાહેર કર્યું કે ગઈ તા.૦૧/૦૫ના રોજ અનવરભાઈના પિતાજી સીદીકભાઈ ગગાભાઈ જેડા પોતાની કરિયાણાની દુકાન માટે માલ સમાનની ખારી કરવા મોટર સાયકલ રજી.નં. જીજે-૩૬-એએચ-૩૭૭૨ લઈને જતા હોય તે દરમિયાન મોરબી કચ્છ હાઇવે ઉપર આરામ હોટલ સામે રોડ ઉપર પાછળથી પુરઝડપે અને બેફિકરાઈથી ચલાવીને આવતા ટ્રેઈલરના ચાલકે સીદીકભાઈના મોટરસાયકલનો પાછળથી ટક્કર મારતા, મોટર સાયકલ આગળના વ્હીલમાં આવી ગયું, જ્યારે સીદીકભાઈ ટ્રેઇલરના પાછળના વ્હીલમાં આવી જતા, તોતિંગ વ્હીલ સીદીકભાઈના માથા ઉપર ફરી વળ્યું હતું. હાલ માળીયા(મી) પોલીસે અકસ્માતના બનાવમાં મૃતકના પુત્રની ફરિયાદને આધારે આરોપી ટ્રેઇલર ચાલક વિરુદ્ધ ગુનો નોંધી કાયદેસરની કાર્યવાહી હાથ ધરી છે.
