ગોવાના શિરોડા ગામેથી આરોપીને ઝડપી લેવાયો.
માળીયા(મી) પોલીસ મથકમાં નોંધાયેલ પ્રોહીબીશનના ગુન્હામાં છેલ્લા સાત વર્ષથી નાસતા ફરતા આરોપીને મોરબી એલસીબી અને પેરોલ ફર્લો સ્ક્વોડ ટીમ દ્વારા ગોવાના શિરોડા ગામથી ઝડપી લેવાયો હતો. ત્યારે આરોપીને મોરબી લાવી પ્રોહીબીશનના ગુન્હામાં હસ્તગત કરી માળીયા(મી) પોલીસ સ્ટેશનમાં વધુ તપાસ અર્થે સોંપવામાં આવ્યો હતો.
મળતી માહિતી અનુસાર, મોરબી એલસીબી અને પેરોલ ફર્લો સ્ક્વોડ દ્વારા નાસતા ફરતા આરોપીઓને ઝડપી લેવા કાર્યરત હોય તે દરમિયાન ખાનગીરાહે બાતમી મળી કે માળીયા(મી) પોલીસ સ્ટેશનમાં નોંધાયેલા પ્રોહીબીશનના ગુન્હામાં છેલ્લા સાત વર્ષથી નાસતો ફરતો આરોપી પ્રદીપભાઈ હરીભાઈ ફડકે હાલમાં ગોવાના શિરોડા ગામ, પોંડા નોર્થ ગોવા ખાતે પોતાના નિવાસસ્થાને હાજર છે, ત્યારે બાતમીના આધારે મોરબી ક્રાઈમ બ્રાંચની ટીમે તપાસ કરતા આરોપીને પ્રદીપભાઈ હરીભાઈ ફડકે ને શિરોડા ગામે મકાન નં. ૧૨૬૦/૨, કપાડશેમ નોર્થ ગોવા ખાતેથી પકડી લઈ હસ્તગત કરવામાં આવ્યો હતો, હાલ પકડાયેલ આરોપીને મોરબી ખાતે લાવી વધુ તપાસ માટે માળીયા(મી) પોલીસ મથકમાં સોંપવા તજવીજ હાથ ધરી છે.
