માળીયા મીયાણા પોલીસ સ્ટેશન વિસ્તારમાં ગૌવંશના ગુન્હામાં સંડોવાયેલા બે ઇસમોને પાસા હેઠળ કાર્યવાહી હાથ ધરવામાં આવી છે. માળીયા મીયાણા પોલીસે પાસા દરખાસ્ત તૈયાર કરતા મોરબી મેજિસ્ટ્રેટ દ્વારા પાસા દરખાસ્ત મંજૂર કરતાં અયુબભાઈ મોવર અને ફિરોજભાઈ કટીયાની અટકાયત કરી ક્રમશ: સુરત મધ્યસ્થ જેલ અને ભાવનગર જિલ્લા જેલ ખાતે મોકલી આપવામાં આવ્યા છે…
પોલીસ મહાનિરીક્ષક અશોક કુમાર (IPS) રાજકોટ વિભાગે રાજકોટ રેન્જમાં બનતા ગૌવંશના ગુનામાં સંડોવાયેલ આરોપીઓ વીરૂધ્ધ અસરકારક કામગીરી કરવા સુચના આપી હતી. જે અંતર્ગત અધિક્ષક રાહુલ ત્રિપાઠી (IPS)એ મોરબી જીલ્લામાં ગૌવંશના ગુનામાં સંડોવાયેલ ઇસમો વિરૂધ્ધ પાસા દરખાસ્ત કરવા સુચન આપી હતી. જે અનુસંધાને નાયબ પોલીસ અધિક્ષક પી.એ. ઝાલા મોરબી વિભાગના માર્ગદર્શન હેઠળ માળીયા મીયાણા પોલીસ સ્ટેશનમાં ગૌવંશના ગુન્હામાં સંડોવાયેલ ઈસમો વીરૂધ્ધ પાસા દરખાસ્ત તૈયાર કરી નાયબ પોલીસ અધીક્ષક મોરબી વિભાગ, પોલીસ અધીક્ષક મોરબી જીલ્લા મારફત જીલ્લા મેજીસ્ટ્રેટ સાહેબ તરફ મોકલતા જીલ્લા મેજીસ્ટ્રેટે અયુબભાઈ જાનમામદભાઈ મોવર અને ફિરોજભાઈ મહેબૂબભાઈ કટીયા વિરૂદ્ધ પાસા વોરંટ ઇસ્યુ કરતા પાસા વોરંટની બજવણી માટે આજરોજ માળીયા મીયાણા પોલીસ સ્ટેશનના સર્વેલન્સ સ્ટાફ દ્વારા બજવણી કરી અયુબભાઈ મોવરને મધ્યસ્થ જેલ સુરત ખાતે અને ફિરોજભાઈ કટીયાને ભાવનગર જિલ્લા જેલ ખાતે મોકલી આપવામાં આવ્યા છે…
જેમાં પોલીસ ઇન્સ્પેકટર આર.સી.ગોહિલ માળીયા મીયાણા પોલીસ સ્ટેશન તેમજ માળિયાં મીયાણા પોલીસ સ્ટેશનના સ્ટાફ દ્વારા કામગીરી કરવામાં આવી હતી.
