માળીયા(મી):જામગરી બંદૂક સાથે પરપ્રાંતિય યુવક ઝડપાયો

માળીયા(મી) પોલીસ ટીમે ટાઉન વિસ્તારમાંથી હાથ બનાવટની જામગરી બંદૂક સાથે બિહારી યુવકને ઝડપી લેવામાં આવ્યો છે.

માળીયા(મી)ના ગુલાબડી વિસ્તારમાં એક ઈસમ હથિયાર સાથે હોવાની બાતમીને આધારે ઉપરોક્ત સ્થળ ઉપર તપાસ કરતા એક ઈસમ હાથ બનાવટની સિંગલ બેરલ જામગરી બંદૂક સાથે મળી આવ્યો હતો, જેથી આરોપી અજમેરભાઈ જાકીરભાઈ આલમ ઉવ.૨૮ રહે. હાલ રાજકોટ ગ્રીનલેન્ડ ચોકડી નવાગામ છપ્પનીયા સોસાયટી મૂળરહે.ચટીયાટોલા મઢ બિહાર રાજ્યવાળાની સ્થળ ઉપરથી હાથ બનાવટની જામગરી બંદૂક કિ.રૂ.૨,૫૦૦/- સાથે ધરપકડ કરી તેની વિરુદ્ધ હથિયાર ધારા તેમજ જીપી એક્ટ હેઠળ ગુનો નોંધી આગળની તપાસ ચલાવી છે.