મોરબી શહેરમાં અવાર નવાર મારામારીના ગુનામાં સંડોવાયેલ ઈસમ વિરુદ્ધ મોરબી સીટી પોલીસ દ્વાએ પાસાનું શસ્ત્ર ઉગામી, આરોપીની પાસા તળે અટકાયત કરી, જીલ્લા જેલ ભાવનગર ખાતે જેલ હવાલે કરાયો છે.
મોરબી જીલ્લા પોલીસ અધિક્ષક રાહુલ ત્રિપાઠી તથા નાયબ પોલીસ અધિક્ષક પી.એ.ઝાલા મોરબી વિભાગના માર્ગદર્શન હેઠળ મોરબી શહેરમાં અવાર નવાર મારામારીના ગુન્હાઓ આચરતા અસામાજીક તત્વોની પ્રવૃતીઓને ડામવા સુચના થતા, સીટી એ ડિવિઝન પોલીસ મથક પીઆઇ આર.એસ.પટેલે એ ડિવિઝન પોલીસ સ્ટેશન વિસ્તારમાં અવાર નવાર મારામારીના ગુન્હાઓમા પકડાયેલ અસામાજીક ઇસમ પીન્ટુભાઇ નારણભાઇ અજાણા વિરુદ્ધ પાસાની પ્રપોઝલ કરવામા આવેલ, જે અન્વયે ડીસ્ટ્રીકટ મેજીસ્ટ્રેટ અને કલેક્ટર દ્વારા પાસા પ્રપોઝલ મંજુર કરી પાસા વોરંટ ઇસ્યુ કરેલ જેથી આરોપી પીન્ટુભાઇ નારણભાઇ અજાણા ઉવ.૨૫ રહે.ઘુનડા(સ) તા.ટંકારા વાળાને જીલ્લા જેલ ભાવનગર ખાતે પાસા વોરંટની બજવણી કરી મોકલવામા આવેલ છે.
