મોરબી બાર એસોસિયેશનની આજે ચુંટણી:પ્રમુખ ઉપપ્રમુખ સહિત સાત હોદાઓ માટે ૧૭ ઉમેદવારો વચ્ચે હોડ જામી

વન બાર વન વોટ હેઠળ આજે મોરબી સહિત રાજ્યના 272 બાર એસોસિએશનની આજે ચૂંટણી યોજાઈ રહી છે. તમામ બાર એસોસિએશનની ચૂંટણીનું શાંતિપૂર્ણ માહોલમાં મતદાન શરૂ થયું છે. વકીલોની માતૃસંસ્થા બાર કાઉન્સિલ ઓફ ગુજરાતની દેખરેખ હેઠળ સમગ્ર ચૂંટણી યોજાઈ રહી છે. ત્યારે મોરબી બાર એસોસિયેશનની પણ આજે ચુંટણી યોજાઈ હતી. જેમાં પ્રમુખ, ઉપપ્રમુખ સહિતના સાત હોદાઓ માટે ૧૭ ઉમેદવારોએ ઉમેદવારી નોંધાઈ છે. જેને લઈ ૫૩૦ જેટલા મતદારો મતદાન કરશે, જેમાંથી અત્યાર સુધીમાં ૧૩૦ થી વધુ મતદારોએ પોતાનો મત આપ્યો છે. મોરબી કોર્ટમાં બાર રૂમમાં શાંતિપૂર્ણ માહોલમાં વોટિંગ ચાલુ છે.