મોરબી બાર કાઉન્સિલની ચૂંટણી યોજાઈ:ધારાશાસ્ત્રી ચેતન પી સોરિયાની પેનલ વિજેતા

મોરબી બાર કાઉન્સિલ ની ચૂંટણી યોજાઈ હતી જેમાં પ્રમુખ સહિતના પદો માટે ૧૮ ઉમેદવારો મેદાનમાં ઉતર્યા હતા તેમજ આ ચૂંટણીમાં કુલ ૫૫૨ મતદારો પૈકી ૪૯૮ મતદારોએ પોતાના અધિકારનો ઉપયોગ કર્યો હતો અને ચૂંટણી યોજવામાં આવી હતી જેમાં પ્રમુખ પદ પર સી.પી.સોરિયા અને આખી પેનલ વિજેતા થઈ હતી.

આ ચૂંટણીમાં પ્રમુખ પદના વિજેતા ઉમેદવાર ચેતન પી.સોરીયાને ૨૫૨ મત મળ્યા,ઉપપ્રમુખ પદ પર જીતેન ડી.અગેચાણીયાને ૨૫૯ મત મળ્યા,સેક્રેટરી પદ પર અશોક ખુમાણ ને ૨૫૫ મત મળ્યા, જોઇન્ટ સેક્રેટરી પદ પર ચિરાગ કંઝારિયા ને ૨૯૭ મત મળ્યા,કારોબારી પદ પર પરમાર કરમશી,સંઘાણી મોનિકા અને રાહુલ ગોલતરની વરણીતેમજ મહિલા પ્રતિનિધિ તરીકે કમલાબેન મૂછડિયા બિનહરીફ જાહેર થયા હતા.ત્યારે વિજેતા ઉમેદવારો ના સમર્થકો દ્વારા ઢોલ નગારા સાથે ફૂલહાર વડે વિજેતા પેનલ નું સન્માન કરવામાં આવ્યું હતું.