મોરબીના નવા મહેન્દ્રનગર પાસેથી પાંચ વર્ષની ગુમ થયેલી બાળકી મળી આવી હતી. જે બાળકીને માતાપિતા સાથે મિલન મોરબી સીટી બી ડિવીઝન પોલીસની “SHE TEAM” દ્વારા મિલન કરાવી દેતા માતા પિતાએ રાહતનો શ્વાસ લીધો હતો.
મળતી માહિતી અનુસાર, પોલીસ અધિક્ષક રાહુલ ત્રિપાઠીની સુચનાથી તેમજ નાયબ પોલીસ અધિક્ષક પી.એ.ઝાલાના માર્ગદર્શન હેઠળ મોરબી જીલ્લામાં દરેક પોલીસ સ્ટેશનમાં “SHE TEAM” કાર્યરત છે. જે અંતર્ગત મોરબી સીટી બી ડીવીઝન પોલીસ સ્ટેશનના કર્મચારીઓ પેટ્રોલીંગમાં હતા. તે દરમ્યાન આજરોજ તા.૨૭/૦૪/૨૦૨૫ ના આશરે સવારના અગિયાર વાગ્યા આસપાસ નવુ મહેન્દ્રનગર પાસેથી આશરે ૫ વર્ષની વાલીવારસ વગરની બાળકી મળી આવી હતી. જેથી તેને સાથે રાખી તાત્કાલિક સ્થળ ઉપર બાળકીના વાલીવારસ શોધવા પ્રયત્નો કર્યા હતા. પરંતુ વાલીવારસ નહિ મળતાં પોલીસ સ્ટેશન ખાતે લઇ આવી અને મોરબી સીટી બી ડીવીઝન પોલીસ સ્ટેશનની સી ટીમે બાળકીનો કબ્જો સંભાળી અને તેના વાલી વારસ શોધવા માટે કવાયત શરૂ કરતા સી ટીમના સ્ટાફે હિન્દીમાં બોલતા બાળકીને કાલીધેલી ભાષાના આધારે સમજવાનો પ્રયત્ન શરૂ કર્યો હતો. બાળકીને સાથે રાખી ખુબ જ ટૂંકા સમયમાં મોરબી મહેન્દ્રનગર પાસે આવેલ હનુમંત એપાર્ટમેન્ટમાં વોચમેનનું કામ કરતા ૩૦ વર્ષીય મનોજભાઇ બલબીરભાઇ થાપા વાળાને શોધી ખાત્રી કરી મળી આવેલ ૫ વર્ષની બાળકી તેના વાલીને સોંપી આપી હતી. માતા પિતા પણ તેની બાળકીને શોધતા હોય બાળકી મળી જતા રાહતનો શ્વાસ લીધેલ હતો. આમ, એક બાળકીને તેના માતા પિતા સાથે મિલન કરાવવામાં મોરબી સીટી બી ડીવીઝન પોલીસની “SHE TEAM” ને સફળતા મળી છે.
