મોરબી:સો ઓરડી ખાતે રહેણાંક મકાનમાં જુગાર રમતા પાંચ જુગારીને ક્રાઇમ બ્રાંચે દબોચી લીધા

ક્રાઇમ બ્રાંચ પોલીસે સ્થળ ઉપરથી રોકડા રૂ.૯૨,૧૦૦ કબ્જે કર્યા

મોરબીના સામાકાંઠા વિસ્તારમાં આવેલ સો ઓરડી શેરી નં.૫ માં મહેશભાઈ વાધાણીના રહેણાંક મકાનમાં ચાલતા જુગારના અખાડા ઉપર ક્રાઇમ બ્રાંચ પોલીસે દરોડો પાડતા તીનપત્તીનો જુગાર રમી રહેલા મકાન માલીક મહેશભાઈ રાધવજીભાઇ વાધાણી, મહેશભાઈ કેશુભાઇ ગૌસ્વામી, કમલેશભાઇ ઉર્ફે કાનો સુરેશભાઇ ભોરણીયા, સંજયભાઈ મનસુખભાઈ ભડગંજી તથા રમેશભાઈ ગાંડુભાઈ લોલાડીયા તમામ રહે.સો ઓરડી વિસ્તારવાળાને પકડી લેવામાં આવ્યા છે. આ સાથે ક્રાઇમ બ્રાંચ પોલીસે આરોપીઓ પાસેથી કુલ રોકડા રૂ.૯૨,૧૦૦/- કબ્જે કરી તમામ વિરુદ્ધ બી ડિવિઝન પોલીસ મથકમાં જુગારધારા હેઠળ ગુનો નોંધાવી કાયદેસરની કાર્યવાહી કરવામાં આવી છે.