મોરબી:સાફ સફાઈ દરમિયાન એપાર્ટમેન્ટના પાંચમા માળેથી નીચે પટકાતા પરિણીતાનું મૃત્યુ

મોરબીના છાત્રાલય રોડ ઉપર આવેલ તુલસી ટ્વિન્સના પાંચમા માળે ફ્લેટમાં રહેતા પરિણીતા સાફ સફાઈ કરતા હોય ત્યારે અકસ્માતે પાંચમા માળેથી નીચે પટકાતા તેનું મોત નીપજ્યું હતું.

મળતી માહિતી અનુસાર મોરબીના કન્યા છાત્રાલય રોડ ઉપર ધર્મવીર સોસાયટી તુલસી ટ્વિન્સ એપાર્ટમેન્ટના પાંચમા માળે ફ્લેટ નં ૫૦૪માં રહેતા શારદાબેન પ્રકાશભાઇ થોભણભાઇ મારવાણીયા ઉવ.૪૫ ગઈકાલ તા. ૧૬/૦૭ના રોજ સવારના ૧૦ વાગ્યાની આસપાસ ફલેટમાં સાફ સફાઇ કરતા હોય તે દરમિયાન અને શરીરનું સમતલોન ગુમાવતા અકસ્માતે પાંચમા માળેથી અકસ્માતે નીચે પડી જતા મોરબી સરકારી હોસ્પિટલમાં સારવાર અર્થે ખસેડવામાં આવ્યા હતા જ્યાં ટૂંકી સારવારના અંતે શરદાબેનનું મૃત્યુ નીપજ્યું હતું. ત્યારે હાલ મોરબી સીટી એ ડિવિઝન પોલીસે અકાળે મૃત્યુના બનાવ અંગે અ. મોતની નોંધ કરી વધુ તપાસ શરૂ કરી છે.