મોરબી ઝૂલતા પુલ ની દુર્ઘટના બાદ તમામ સંસ્થાઓ અને લોકો પોતાના સ્તરે લોકોને મદદરૂપ થવાનો પૂરો પ્રયાસ કરી રહ્યા છે ત્યારે મોરબી ડિસ્ટ્રિક્ટ લીગલ સર્વિસ ઓથોરિટી દ્વારા મૃતકો ને શ્રદ્ધાંજલી અર્પણ કરીને અસરગ્રસ્તોની મદદ માટે હેલ્પ લાઈન નમ્બર જાહેર કરવામાંઆવ્યો છે.
જેમાં ડિસ્ટ્રીકટ લીગલ સર્વિસ ઓથોરિટી દ્વારા મૃતકોને શ્રદ્ધાંજલી અર્પણ કરતા જણાવ્યુ તમામ સદ્ગતોના કુટુંબીજનો પર આવી પડેલ અણધાર્યા અને અસહ્ય દુ:ખમાં DLSAતેઓની પડખે છે. વધૂમાં, આ દુર્ઘટનામાં ઇજા પામનાર તમામ વ્યક્તિઓના તથા તેમના પરિવારોના દુઃખમાં ડિસ્ટ્રિક્ટ લીગલ સર્વીસ ઓથોરિટી, મોરબી, સતત તેમની સાથે છે, તેમજ, સદ્ગતોના કુટુંબીજનો તથા ઇજા પામનારાઓ તથા તેમના કુટુંબીજનોને કોઈપણ માર્ગદર્શન કે મેડીકલ કે અન્ય સહાયની જરૂરિયાત હોય, તો તેઓને સત્વરે ડીસ્ટ્રીક લીગલ સર્વીસીસ ઓથોરિટી, ડિસ્ટ્રિક્ટ કોર્ટ ,મોરબી મુકામે આવેલ એ ડી આર સેન્ટર નો મો.નં. :6357981033 ઉપર સંપર્ક કરવા જણાવ્યુ હતું.
