મોરબી સર્કિટ હાઉસ ખાતે આજે મોરબી જિલ્લા એન.એસ.યુ.આઈ. ની કારોબારી મળી હતી. જેમાં મોરબી જિલ્લા એન.એસ.યુ.આઈ ના પ્રમુખ તરીકે ભાવનિક મુછડિયાની નિમણુક કરવામાં આવી હતી. તેમજ મોરબી જીલ્લાની તમામ કોલેજ કેમ્પસમાં વિધાર્થીઓને પડતી મુશ્કેલી સામે લડત ચલાવવા માટેની તૈયારી પણ દર્શાવી હતી.
મોરબી જિલ્લા એન.એસ.યુ.આઈ.નાં જણાવ્યાં અનુસાર, આજરોજ મોરબી સર્કિટ હાઉસ ખાતે સવારે 10:30 વાગ્યે ગુજરાત એન.એસ.યુ.આઈ ના પ્રદેશ પ્રમુખ નરેન્દ્ર સોલંકીની હાજરીમાં કારોબારી મીટીંગ મળી હતી. જેમાં મોરબી જિલ્લા એન.એસ.યુ.આઈ ના પ્રમુખ તરીકે ભાવનિક મુછડિયાની નિમણુક કરાઈ હતી. તેમજ મોરબી જીલ્લાની તમામ કોલેજ કેમ્પસમાં વિધાર્થીઓને પડતી મુશ્કેલી સામે લડત ચલાવવા માટે એન.એસ.યુ.આઈ દ્વારા આગામી કાર્યક્રમ નક્કી કરવામાં આવ્યું હતું. તેવું નરેન્દ્ર સોલંકીએ જણાવ્યું અને આ તકે મોરબી જીલ્લા કોંગ્રેસ પ્રમુખ જયંતીભાઈ પટેલ, જીલ્લા પંચાયતનાં પૂર્વ પ્રમુખ કિશોરભાઈ ચીખલીયા, જીલ્લાનાં પૂર્વ યુવા પ્રમુખ પુષ્પરાજસિંહ જાડેજા, યુવા પ્રમુખ અલ્પેશ કોઠીયા, NSUI પ્રદેશ મંત્રી કુલદીપસિંહ જાડેજા સહિતનાં આગેવાનો ઊપસ્થીત રહ્યા હતા.
