મોરબી જિલ્લા પંચાયત કારોબારી સમિતિની બેઠક મળી વિકાસલક્ષી કામોને મંજૂરી અપાઈ

મોરબી જિલ્લા પંચાયતની કારોબારી સમિતિની બેઠક ચેરમેન જયંતીભાઇ ડી. પડસુંબીયાના અધ્યક્ષ સ્થાને જિલ્લા પંચાયત ભવનના સભાગૃહ ખાતે મળી હતી. જેમાં કારોબારી સમિતિના અન્ય સદસ્યઓ, સચિવ જિલ્લા વિકાસ અધિકારી તથા શાખાધિકારીઓ ઉપસ્થિત રહ્યા હતા.

આ બેઠકમાં વિકાસલક્ષી કામોને વેગ આપવા માટે હળવદ-કડીયાણા-માથક-વાંકાનેર રોડનું કામ, માળિયા તાલુકાના સરવડ ગામે કે.જિ.બી હોસ્ટેલ નજીક બોક્સ સેલના બાંધકામ તથા ટંકારા, વવાણીયા, જુના ઘાટીલા ગામે ગ્રામ પંચાયતના નવીન પંચાયત ઘરના બાંધકામ માટેના કામોના ટેન્ડરોને મંજૂરી આપવામાં આવી હતી.