ડ્રાઈવ દરમિયાન ટ્રાફિક નિયમોના ભંગ બદલ ૪૫ હજારથી વધુનો દંડ વસુલ કરાયો.
પોલીસ મહાનિરીક્ષક અશોકકુમાર રાજકોટ રેન્જની સુચના મુજબ ટ્રાફિક નિયમોની અમલવારી કરવા જણાવેલ હોય જેથી પોલીસ અધિક્ષક રાહુલ ત્રીપાઠીની સુચના અને માર્ગદર્શન હેઠળ વાહન અકસ્માતમાં ઘટાડો લાવવા તેમજ ટ્રાફિક નિયમોની સુયોગ્ય અમલવારી કરાવવા માટે વાહન ચેકિંગ ડ્રાઇવ રાખવા આવેલ જેથી મોરબી જીલ્લામાં તા.૧૧/૦૪ના “ભારે વાહન ચેકિંગ ડ્રાઇવ” રાખેલ, ત્યારે આ ડ્રાઇવ દરમ્યાન રોંગ સાઇડ ચાલતા વાહનો, વાહનમાં માલ-સામાન ભરેલ હોય અને તાલપત્રી લગાવેલ ન હોય, નંબર પ્લેટ વગરના વાહનો વિરૂધ્ધ કડક કાર્યવાહી તેમજ ટ્રાફિક ભંગ કરતા વાહન ચાલકો સામે કડક કાર્યવાહી કરવા અંગેની ડ્રાઇવમાં કુલ ૪૨૨ વાહન ચેકીંગ કરી, કુલ રૂ.૪૫,૩૦૦/- નો દંડ વસુલ કરાયો હતો.
મોરબી જીલ્લામાં તા.૧૧/૦૪ ના બપોરના ૪ થી ૭ વાગ્યા સુધી ટ્રાફિક નિયમોનો ભંગ કરતા વાહન ચાલકો વિરૂધ્ધ સઘન કામગીરી કરવામાં આવી હતી. આ સરપ્રાઇઝ વાહન ચેકિંગ ડ્રાઇવમાં કુલ-૪૨૨ વાહનો ચેક કરવામાં આવ્યા હતા, જેમાં નંબર પ્લેટ વગરના વાહન ચાલકો સામે કુલ કેસ-૧૯ કેશો કરવામાં આવ્યા હતા, વાહનમાં માલ-સામાન ભરેલ હોય અને તાલપત્રી લગાવેલ ન હોય તેવા વાહન ચાલકો સામે કુલ ૧૨ કેસો તથા લાયસન્સ ન હોય તેવા વાહન ચાલકો સામે કુલ ૨૩ કેસો, રોંગ સાઇડ તેમજ વધુ ગતીથી ચલાવતા વાહનો વિરૂધ્ધ કુલ-૦૭ ગુના રજીસ્ટર કરવામાં આવ્યા. આ સિવાય અડચણ રૂપ પાર્ક કરેલ કુલ ૩ વાહનો વિરૂધ્ધ ગુના રજીસ્ટર કર્યા હતા. આ વાહન ચેકિંગ ડ્રાઇવ દરમ્યાન એમ.વી.એકટ ૨૦૭ મુજબ કુલ ૧૯ વાહન ડીટેઇન કરવામાં આવ્યા હતા, સમગ્ર વાહન ચેકિંગ ડ્રાઇવ દરમ્યાન કુલ-રૂ-૪૫૩૦૦/- દંડ વસુલ કરવામાં આવ્યો હતો.
વધુમાં મોરબી જીલ્લા પોલીસ દ્વારા જીલ્લાવાસીઓને ચેતવણી સાથે અનુરોધ કરવામાં આવ્યો છે કે આગામી સમયમાં પણ ઉપરોકત ટ્રાફિક નિયમોનોનુ પાલન કરાવવા માટે તેમજ જીલ્લાના લોકોની સલામતી અને શાંતીનો માહોલ જળવાઈ રહે તેમજ જીલ્લામાં ટ્રાફિક વ્યવસ્થા અને ટ્રાફિકના નિયમોનુ પાલન કરવા તથા શહેરમાં ભારે વાહનો, વન-વે રોડ, એક-બેકી પાર્કિંગ વ્યવસ્થા તેમજ સમયાંતરે પ્રસિધ્ધ કરવામાં આવતા જાહેરનામાઓનુ લોકો પાલન કરે તેવી અપીલ કરવામાં આવી છે.
