મોરબી:કૃષિ વિમાન યોજના હેઠળ ખેતરમાં ડ્રોનથી દવા છંટકાવ કરાવવા ખેડૂતો અરજી કરી શકશે

ખેડૂતોએ અધતન ડ્રોન ટેક્નોલોજીથી દવા છંટકાવની યોજના માટે ૩ જુલાઈથી આઇ ખેડૂત પોર્ટલ પર ઓનલાઈન અરજી કરવી

ખેડૂતોને ખેતીવાડી ખાતાની વિવિધ સહાય યોજનાઓનો લાભ ઘરઆંગણે સરળતાથી મળી રહે તે હેતુસર સરકાર દ્વારા આઇ ખેડૂત ગુજરાત પોર્ટલ તૈયાર કરવામાં આવ્યું છે. આ પોર્ટલમાં વર્ષ ૨૦૨૪-૨૫ કૃષિ ક્ષેત્રમાં અધતન ડ્રોન ટેક્નોલોજી (કૃષિ વિમાન) યોજના અંતર્ગત ડ્રોનથી છંટકાવ માટે અરજીઓ મંગાવવામાં આવી છે.

રાજ્ય સરકાર દ્વારા વર્ષ ૨૦૨૪-૨૫ માટે આઇ ખેડૂત પોર્ટલ તારીખ ૦૩ જુલાઇ ૨૦૨૪ ના રોજ સવારે ૧૦:૩૦ કલાકે થી ઓનલાઈન અરજીઓ કરવા માટે ખુલ્લુ મુકવામાં આવશે. તો આ યોજના હેઠળ લાભ મેળવવા માંગતા હોય તેવા ખેડૂત મિત્રોએ અરજી કરવા જીલ્લા ખેતીવાડી અધિકારીની યાદીમાં જણાવાયું છે.