મોરબી ક્રાઈમ બ્રાન્ચે બાતમીના આધારે માળીયા (મિં) પોસ્ટે વિસ્તારમાં ભીમસર ચોકડી નજીક હાઇવે રોડ ઉપરથી ટ્રક ટ્રેલરમાં માટીની આડમાં છુપાવેલ ઇંગ્લિશ દારૂનો જથ્થો પકડી પાડયો છે. જેમાં અલગ-અલગ બ્રાંડની ૧૫૬ નંગ બોટલો કિંમત રૂ.૧,૬૨,૬૬૦/- તેમજ અન્ય મુદામાલ મળી કુલ કિંમત રૂ. ૨૧,૬૨,૬૬૦ /- ના મુદામાલ સાથે ટ્રકના ડ્રાઈવર અને ક્લીનર એમ બે આરોપીઓને પકડી પાડવામાં આવ્યા છે. જ્યારે માલ મોકલનાર આરોપીની શોધખોળ હાથ ધરી છે.
મળતી માહિતી અનુસાર, અશોકકુમાર (IPS) પોલીસ મહાનિરીક્ષક રાજકોટ વિભાગ, રાહુલ ત્રિપાઠી (IPS) પોલીસ અધિક્ષક મોરબીએ મોરબી જીલ્લામાં પ્રોહીબીશન/જુગારની ગેર કાયદેસર પ્રવૃતિ અટકાવવા એમ.પી.પંડયા પોલીસ ઇન્સ્પેકટર એલ.સી.બી. મોરબીને સુચના આપી હતી. જે માર્ગદર્શન હેઠળ એલ.સી.બી.ના પોલીસ સબ ઇન્સ્પેક્ટર બી.ડી.ભટ્ટ, એસ.આઇ.પટેલ, એલ.સી.બી/પેરોલ ફર્લો સ્ટાફના માણસો કાર્યરત હતા. તે દરમ્યાન સ્ટાફના ASI જિજ્ઞાશાબેન કણસાગરા, સુરેશભાઇ હુંબલને બાતમી મળી કે સામખીયાળી તરફથી એક ટ્રક ટ્રેલર નંબર-RJ-32-GD-2544 વાળી મોરબી તરફ આવે છે. જે ટ્રક ટ્રેલરના પાછળના ભાગે તાલપત્રી બાંધેલી છે અને તેમાં ગેર કાયદેસર ઇંગ્લીશ દારૂનો જથ્થો ભર્યો છે. તે બાતમીના આધારે માળીયા (મિં) ના ભીમસર ચોકડી નજીક આવેલ ઓવર બ્રીજ પાસે સર્વીસ રોડ પાસે વોચ ગોઠવી ટ્રક ટ્રેલર નીકળતા તેને રોકી ચેક કરતા બ્લેન્ડર પ્રાઇડ સિલેક્ટ પ્રિમીયમ વ્હીસ્કીની ૭૫૦ એમ.એલ.ની ૯૬ નંગ બોટલો કિંમત રૂ.૯૯,૩૬૦/-, એન્ટીક્યુટી બ્લુ અલ્ટ્રા પ્લેટીનીયમ વ્હીસ્કીની ૭૫૦ એમ.એલ.ની ૬૦ નંગ બોટલો કિંમત રૂ.૬૩,૩૦૦/- તેમજ ટ્રક ટ્રેલર નં. RJ-32-GD-2544 કિંમત રૂ.૨૦,૦૦,૦૦૦/- તેમજ અન્ય મુદામાલ મળી કુલ કિ.રૂ. ૨૧,૬૨,૬૬૦ /- નો મુદામાલ કબજે કરી ડ્રાઇવર સોહનસિંગ નંદુસિંગ રાવત અને ક્લીનર જસવંતસિંગ નેપાલસિંગ રાવત બંને રહે બ્યાવર રાજસ્થાનની અટકાયત કરી છે. તેમજ માલ મોકલનાર ઓમસિંગ ઉર્ફે ઓમ પ્રકાશ રાવત રહે.બ્યાવર રાજસ્થાન વાળાની શોધખોળ હાથ ધરી છે. જેમની વિરૂદ્ધ માળીયા (મિં) પોલીસ સ્ટેશન ખાતે પ્રોહીબીશન ગુનો નોંધી આગળની ધોરણસરની કાર્યવાહી હાથ ધરી છે.
જેમાં એમ.પી.પંડયા પોલીસ ઇન્સ્પેકટર એલ.સી.બી. મોરબી, વી.એન.પરમાર પોલીસ ઇન્સ્પેકટર પેરોલ ફર્લો સ્કોડ મોરબી, PSI બી.ડી.ભટ્ટ, એસ.આઈ.પટેલ, એલ.સી.બી./પેરોલ ફર્લો સ્કોડના સ્ટાફના માણસો દ્વારા કામગીરી કરવામાં આવી હતી.
