રાજકોટ રેન્જ આઇ.જી અશોક કુમાર તથા મોરબી જિલ્લા એસપી રાહુલ ત્રિપાઠીએ નાસતા ફરતા આરોપીઓને પકડવા તેમજ અસરકારક કામગીરી કરવા સૂચનો કરેલ હોય જે અન્વયે કામગિરી કરતા દરમીયાન મોરબી લોકલ ક્રાઈમ બ્રાંચની ટીમે હળવદ પોલીસ સ્ટેશનના ખનીજચોરીના ગુનામાં નાસતા ફરતા આરોપીને પકડી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબી એલસીબી પીઆઈ ડી.એમ.ઢોલને ઉચ્ચ અધિકારીઓe જરૂરી સુચના કરતા તેઓનાં માર્ગદર્શન હેઠળ પીએસઆઈ એન.એચ.ચુડાસમા તથા એલ.સી.બી./પેરોલ ફર્લોસ્કોડ, મોરબીના સ્ટાફના માણસો પ્રયત્નશીલ હતા. દરમ્યાન પેરોલ ફર્લો સ્કોડની ટીમને ખાનગી રાહે હકિકત મળેલ કે, હળવદ પોલીસ સ્ટેશનના ખનીજ ચોરીના ગુનામાં નાસતો ફરતો આરોપી ઉદય કિશોરભાઇ બોરીચા (રહે. રવાપર ગામ તા.જી.મોરબી) આમરણ-દુધઇ રોડ, નંદકિશોર હોટલ ખાતે બેઠેલ હોવાની હકીકતનાં આધારે સ્ટાફ સાથે તપાસ કરતા મજકુર આરોપી મળી આવતા તેને હસ્તગત કરી આગળની કાર્યવાહી અર્થે મોરબી સીટી બી ડીવીજન પોલીસ સ્ટેશનમાં સોપવામાં આવેલ છે.
