હળવદમાં ખનીજ ચોરીના ગુનામાં નાસતા ફરતા આરોપીને પકડી પાડતી મોરબી લોકલ ક્રાઈમ બ્રાંચ

રાજકોટ રેન્જ આઇ.જી. અશોક કુમાર યાદવ તથા મોરબી જિલ્લા એસ.પી. રાહુલ ત્રિપાઠીએ નાસતા ફરતા આરોપીઓને પકડવા તેમજ અસરકારક કામગીરી કરવા સારૂ સૂચન કરેલ હોય જે અન્વયે કામગીરી કરતા દરમિયાન મોરબી લોકલ ક્રાઈમ બ્રાંચની ટીમે હળવદ પોલીસ સ્ટેશનના ખનીજચોરીના ગુનામાં નાસતા ફરતા આરોપીને પકડી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, મોરબી એલ.સી.બી. પેરોલ ફર્લો સ્કોડની ટીમને ખાનગી રાહે હકિકત મળેલ કે, હળવદ પોલીસ સ્ટેશન વિસ્તારમાં ખનીજ ચોરી કરવાના ગુન્હામાં નાસતો ફરતો આરોપી જીવાભાઇ અરભમભાઇ આગઢ (રહે. પોરબંદર ખાપટ રામાપીરના દ્વારાની બાજુમાં) હાલે લાલપર ગામ પાસે કામકાજ સબબ આવેલ હોવાથી હકીકત મળતા લાલપર ગામ નજીક તપાસ કરતા મજકુર આરોપી જીવાભાઇ અરભમભાઇ આગઢ મળી આવતા તેને હસ્તગત કરી આગળની કાર્યવાહી અર્થે મોરબી સીટી બી ડીવીજન પોલીસ સ્ટેશનમાં સોપવામાં આવેલ છે.