મોરબીના મહેન્દ્રપરા શેરી નં.૨ ના નાકા પાસેથી એક યુવકને વિદેશી દારૂની ૧૨ બોટલ સાથે પકડી લેવામાં આવ્યો હતો, આ સાથે પકડાયેલ આરોપીએ વેચાણ અર્થે જેની પાસેથી વિદેશી દારૂ મેળવ્યો હોય તે બે શખ્સોના નામ ખુલતા તેને ફરાર દર્શાવી પોલીસે ત્રણેય આરોપીઓ સામે ગુનો નોંધી આગળની તપાસની તજવીજ હાથ ધરી છે.
મળતી માહિતી અનુસાર મોરબીના મહેન્દ્રપરા શેરી નં.૨ ના નાકેથી આરોપી ચિરાગભાઈ જગદીશભાઈ ગાંધી ઉવ.૩૦ રહે. માધાપર શેરી નં.૨ વાળાને વિદેશી દારૂની ૧૨ બોટલ સાથે સીટી એ ડિવિઝન પોલીસે પકડી લીધો હતો, પોલીસની પ્રાથમિક પૂછતાછમાં આરોપી ચિરાગભાઈ ગાંધી અને આરોપી કિશનભાઈ પ્રવીણભાઈ લવા રહે. જેપુર બ્રહ્મપુરી સોસાયટીવાળો ભાગીદારીમાં અન્ય આરોપી અવિનાશ કોળી રહે.માધાપરવાળા સાથે વિદેશી દારૂનો વેપલો કરતા હોય જેથી પોલીસે આરોપી ચિરાગભાઈની સ્થળ ઉપરથી અટક કરી અન્ય બે આરોપી સહિત ત્રણેય આરોપીઓ સામે પ્રોહી. એક્ટ હેઠળ ગુનો નોંધી હાજર નહીં મળી આવેલ બંને આરોપીઓની શોધખોળ શરૂ કરી છે.
