મોરબી પેરોલ ફર્લો સ્કવોડ, એલ.સી. બી. દ્વારા મોરબી એ ડિવિઝન પોલીસ સ્ટેશનમાં છેલ્લા છ વર્ષથી નોંધાયેલ ઘરફોડ ચોરીમાં ગુન્હા માં નાસતા ફરતા આરોપીને મધ્યપ્રદેશ થી પકડી પાડવામાં આવ્યો છે. પોલીસે આરોપી ઇન્દરસિંહ કાલુંસિંહ ભુરીયાને પકડી કાયદેસરની કાર્યવાહિ હાથ ધરવામાં આવી છે.
પોલીસ મહાનિદેશક રાજકોટ વિભાગ, પોલીસ અધીક્ષક મોરબી દ્વારા મોરબી જિલ્લાના નાસતા ફરતા આરોપીઓ પકડી પાડવા માટે પોલીસ ઇન્સ્પેકટર એલ.સી.બી. મોરબીને અસરકારક રીતે કારગીરી કરવા જરૂરી સુચના આપી હતી. પોલીસ ઇન્સ્પેકટર એલ.સી.બી. મોરબીની સુચના તેમજ જરૂરી માર્ગદર્શન હેઠળ બી.ડી.ભટ્ટ, પોલીસ સબ ઇન્સ્પેક્ટર એલ.સી.બી. મોરબી, જે.પી. કણસાગરા, પોલીસ સબ ઇન્સ્પેક્ટર પેરોલ ફર્લો સ્કવોડ, મોરબી તેમજ એલ.સી.બી./પેરોલ ફર્લો સ્કવોડ મોરબીના પોલીસ કર્મચારીઓ કામગીરી કરવા માટે પ્રયત્નશીલ હતા. તે દરમ્યાન પેરોલ ફર્લો સ્કવોડ મોરબીના પોલીસ કર્મચારીઓએ મોરબી સીટી એ ડિવિઝન પોલીસ સ્ટેશનના ગુન્હામાં છેલ્લા ૬ વર્ષથી નાસતા ફરતા આરોપી ઇન્દરસિંહ કાલુસિંહ ભુરીયાને હ્યુમનશોર્સ તેમજ ટેકનીકલ માધ્યમથી મળેલ બાતમીના આધારે મધ્યપ્રદેશ માંથી પકડી પાડવામાં આવ્યો છે. જેમાં એમ.પી.પંડયા, પોલીસ ઇન્સ્પેકટર એલ.સી.બી. મોરબી, બી.ડી.ભટ્ટ, પોલીસ સબ ઇન્સ્પેક્ટર એલ.સી.બી. મોરબી, જે.પી.કણસાગરા પોલીસ સબ ઇન્સ્પેક્ટર પેરોલ ફર્લો સ્કવોડ, મોરબી, એલ.સી.બી./ પેરોલ ફર્લો સ્કવોડના સ્ટાફ દ્વારા કામગીરી કરવામાં આવી હતી……
ત્યારે મોરબી જિલ્લા પોલીસ દ્વારા પ્રજાને પોતાના રહેણાંક મકાનો, વ્યવસાયના સંકુલો સહિતના સ્થળોએ પોતાની કિંમતી ઝવેરાત, રોકડ રૂપીયા કે દસ્તાવેજ જેવા ચોરીઓના બનાતા બનાવો અટકાવવા માટે મજબુત તીજોરીમાં રાખવા કે બેંક લોકરમાં રાખવા તેમજ જરૂરી જગ્યાએ જુદા જુદા એન્ગલથી સારી કવોલીટીના રેકોર્ડીંગ સચવાય રહે તેવા સી.સી.ટીવી કેમેરા ગોઠવવા, ખાનગી સીકયુરીટી ગાર્ડ, ઇમરજન્સી અલાર્મ, ઘર ધાટી, ભાડે આપેલ મકાનો સંકુલોની પોલીસ સ્ટેશનમાં જાણ કરવા, ખેત મજુરોની માહીતી, સંકુલમાં કામ કરતા મજુરની માહિતી નજીકના પોલીસ સ્ટેશનમાં આપવા તેમજ અજાણ્યા ફેરીયાઓની માહિતી નજીકના પોલીસ સ્ટેશનમાં આવતા અથવા મોરબી જિલ્લા કંન્ટ્રોલ રૂમ નંબર ૦૨૮૨૨-૨૪૩૪૭૯/૮૦ કે ૧૧૨ પર જાણ કરવા વિનંતી કરાઇ છે
