રાજકોટ રેન્જ આઇજી અશોકકુમાર યાદવ દ્વારા મોરબી જિલ્લા એસ.પી. રાહુલ ત્રિપાઠીએ ગેર કાયદેસર નાર્કોટીક્સ માદક પદાર્થ રાખતા તેમજ વેચાણ કરતા ઇસમો વિરૂધ્ધ કાયદેસરની કાર્યવાહી કરવા ખાસ ઝુંબેશનુ આયોજન કરેલ હોય જે અન્વયે કામગીરી કરતા દરમિયાન મોરબી એસ.ઓ.જી. ટીમે મોરબી વાંકાનેર હાઇવે રોડ પાનેલી ગામ પાટીયા પાસે સર્વીસ રોડ પરથી રૂપીયા રૂ.૬,૪૨,૦૦૦/- ના મેફેડ્રોનના કોમર્શીયલ જથ્થા તેમજ અન્ય મુદ્દામાલ સાથે બે ઇસમોને પકડી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબી જિલ્લા એસ.પી. રાહુલ ત્રિપાઠીએ ગેર કાયદેસર નાર્કોટીક્સ માદક પદાર્થ રાખતા તેમજ વેચાણ કરતા ઇસમો વિરૂધ્ધ કાયદેસરની કાર્યવાહી કરવા ખાસ ઝુંબેશનુ આયોજન કરેલ જે અન્વયે એસ.ઓ.જી. પી.આઇ એમ.પી.પંડ્યાને સુચના કરેલ હોય જે અંગે એસ.ઓ.જી.ની ચાર્ટર મુજબની કામગીરી કરવા મોરબી એસ.ઓ.જી. સ્ટાફ પ્રયત્નશીલ હોય તે દરમિયાન તેઓને બાતમી મળેલ કે, સાજીદ ઉર્ફે સાજલો ગફારભાઇ બ્લોચ (રહે.ચંન્દ્રપુર માર્કેટીંગ યાર્ડ સામે વાંકાનેર) તથા રજાકભાઇ આમદભાઇ ઘાંચી (રહે. માધાપર મોરબી) બંન્ને અવાર નવાર સાંજના સમયે દરીયાલાલ હોટલ નજીક મોરબી વાંકાનેર નેશનલ હાઇવે રોડ પાસે આવેલ પાનેલી રોડ જે મોરબી વાંકાનેર નેશનલ હાઇવેના સર્વીસ રોડ પર ભેગો થાય છે તે સર્વીસ રોડ પર પાનેલી જવાના રસ્તામાં ખુણા પાસે માદક પદાર્થ પાવડર પોતાના ગ્રાહકોને આપવા જાય છે. અને ગઈકાલે તે એક નંબર વગરના હોન્ડા સાઇન મોટર સાયકલ લઇ પોતાના કબજામાં માદક પદાર્થ પાવડર લઇ મોરબી વાંકાનેર હાઇવે સર્વીસ રોડ ઉપર પોતાના તેના ગ્રાહકોને વેચાણ કરવા જનાર છે. જે મળેલ બાતમી આધારે હકીકત વાળી જગ્યાએ જઇ વોચમાં રહેતા જીદ ઉર્ફે સાજલો ગફારભાઇ બ્લોચ (રહે.ચંન્દ્રપુર માર્કેટીંગ યાર્ડ સામે વાંકાનેર) તથા રજાકભાઇ આમદભાઇ ઘાંચી (રહે. માધાપર મોરબી) નામના ઇસમો રૂ. ૬,૪૨,૦૦૦/-ની કિંમતના ૬૪.૨૦ ગ્રામ નાર્કોટીક્સ માદક પદાર્થ મેફેડ્રોન, રૂ.૩,૦૦૦/-ની કિંમતના બે મોબાઈલ રોકડા રૂ.૪૪૬૦/- તથા રૂ.૭૦,૦૦૦/-ની કિંમતની મોટરસાઇકલ મળી કુલ રૂ.૭,૧૯,૪૬૦/-નો મુદ્દામાલ મળી આવતા એન.ડી.પી.એસ. એક્ટની કલમ-૮(સી), ૨૧(સી), ૨૯ મુજબની કાર્યવાહી કરી ઇસમોને ધોરણસર અટક કરી મોરબી તાલુકા પોલીસ સ્ટેશનમાં ગુનો રજીસ્ટર કરાવેલ છે. તેમજ જુનેદભાઇ હનીફભાઇ પરમાર (રહે.માધાપર શેરી નં-૫ મોરબી) નામનો ઈસમ ફરાર થયેલ હોય તેને પકડવા ચક્રો ગતિમાન કર્યા છે.
