મોરબી તાલુકા પોલીસે ઇકો કારમાં દેશી દારૂનો જથ્થો લઈ જતા બે ઇસમોને ઝડપી પાડયા

મોરબી તાલુકાના જાંબુડીયા ગામની સીમ લેટીગ્રેસ સીરામીક સામેથી દેશી દારૂનો મસ્ત મોટો જથ્થો ભરેલ ઇકો કાર મોરબી તાલુકા પોલીસે પકડી કાયદેસરની કાર્યવાહી હાથ ધરી છે.

મળતી માહિતી અનુસાર, મોરબી તાલુકા પોલીસને મળેલ બાતમીનાં આધારે સર્વિલન્સ સ્ટાફ દ્વારા આજરોજ મોરબી તાલુકાના જાંબુડીયા ગામની સીમ લેટીગ્રેસ સીરામીક સામેથી 400 લીટર દેશી દારૂ ભરેલી કાર સહિત રૂ.2,08,000 ના મુદ્દામાલ સાથે પ્રવીણભાઈ દેવાભાઈ ઉઘરેજા અને નવઘણભાઈ કરમશીભાઈ ઉઘરેજાને પકડી પાડી તેમના વિરોધ પ્રોહિબિશન ધારા હેઠળ ગુનો દાખલ કરી આગળની કાર્યવાહી હાથ ધરી છે.