મોરબી:શહિદ આર્મી જવાનના પરિવારને એક લાખ રૂપિયાની સહાય કરતા રાષ્ટ્રપ્રેમી અજય લોરીયા

મોરબી:જોધપર ઝાલા ગામના આર્મી જવાન પરેશકુમાર સારેસા ઉદ્ધમપુર જમ્મુ ખાતે પોતાની ફરજ દરમિયાન શહીદ થતાં મોરબીના સેવા એજ સંપતિ ફાઉન્ડેશન ના ફાઉન્ડર અજય લોરિયા દ્વારા શહિદ જવાનના પરિવારને જામનગર ખાતે રૂબરૂ મળી રૂપિયા એક લાખની આર્થિક સહાય કરવામાં આવી છે.

જોધપર ઝાલા ગામનાં આર્મી જવાન પરેશકુમાર સારેસા ઉદ્ધમપુર જમ્મુ ખાતે પોતાની ફરજ દરમિયાન શહીદ થયા છે. ત્યારે દેશ કાજે પોતાની જાન ન્યૌછાવર કરી દેનાર શહીદ પરેશ કુમાર સારેસાના પરિવારને જામનગર ખાતે રૂબરૂ મળી શ્રદ્ધાંજલિ પાઠવી તેમના પરીવારને રૂપિયા 1 લાખની આર્થીક સહાય કરી સેવા એજ સંપતિ ગ્રુપ ના ફાઉન્ડર અજય લોરિયા દ્વારા માં ભારતીનું ઋણ ચૂકવવાનો પ્રયાસ કરવામાં આવ્યો છે.