મોરબીના લાતી પ્લોટ વિસ્તારમાં આવેલ મોમાઈ પ્લાસ્ટિકના કારખાનામાં સીટી એ ડિવિઝન પોલીસ ટીમ દ્વારા રેઇડ કરી કારખાનામાંથી વિદેશી દારૂની ૧૨ બોટલ સાથે કારખાનાના માલીકની ધરપકડક કરવામાં આવી છે, જ્યારે વિદેશી દારૂ આપી જનારના નામની કબુલાત આપતા તેને ફરાર દર્શાવી એ ડિવિઝન પોલીસે બન્ને આરોપીઓ વિરુદ્ધ ગુનો દાખલ કરી ફરાર આરોપીને પકડી લેવા ચક્રો ગતિમાન કર્યા છે.
પ્રાપ્ત માહિતી મુજબ, મોરબી સીટી એ ડિવિઝન પોલીસ ટીમને બાતમી મળેલ કે લાતી પ્લોટ શેરી નં.૨ માં આવેલ મોમાઈ પ્લાસ્ટિકના કારખાનામાં કારખાનેદાર વિદેશી દારૂ ઉતારી તેનું વેચાણ કરતો હોવાની મળેલ બાતમીને આધારે ઉપરોક્ત કારખાનામાં રેઇડ કરી હતી, ત્યારે પોલીસે કારખાનામાંથી વિદેશી દારૂ ગ્રીન લેબલ એર્ક્પોર્ટ વ્હિસ્કીની ૧૨ બોટલ કિ.રૂ.૩,૬૦૦/- ઝડપી લીધેલ હોય, આ સાથે પોલીસે કારખાનેદાર આરોપી ધર્મેશભાઈ અનિલભાઈ મુજારીયા ઉવ.૩૩ રહે.શકત શનાળા વાળાની સ્થળ ઉપરથી અટકાયત કરી, વિદેશી દારૂઅંગે સઘન પૂછતાછ કરતા આ વિદેશી દારૂનો જથ્થો મોરબીના વાવડી રોડ ઉપર રહેતા સાગર ગોસ્વામી આપી ગયો હોવાનું જણાવતા, પોલીસે તે આરોપીને વોન્ટેડ જાહેર કરી બંને આરોપીઓ વિરુદ્ધ પ્રોહી. એક્ટ હેઠળ ગુનો નોંધી કાયદેસરની કાર્યવાહી કરવામાં આવી છે.
