મોરબીમાં અવની ચોકડી નજીક પાર્ક કરેલ ઍક્સેસ મોપેડની કોઈ અજાણ્યા વાહન ચોર ઈસમ ચોરી કરી ગયા હોય હાલ વાહન ચોરીના બનાવ અંગે પ્રથમ ઇ-એફઆઈઆર બાદ રૂબરૂ સીટી એ ડિવિઝન પોલીસ મથકમાં ફરિયાદ નોંધાવતા પોલીસે અજાણ્યા વાહન ચોર વિરુદ્ધ ગુનો નોંધી આગળની તપાસ ચલાવી છે
મળતી વિગતો મુજબ, શહેરના રવાપર રોડ ઇ ઓન હાઈટ્સ છઠ્ઠા માળે રહેતા અને મૂળ થોરાળા તા.જી.મોરબીના વતની કિશનકુમાર દિલીપભાઈ ગામી ઉવ.૨૯ એ આરોપી અજાણ્યા વાહન ચોર વિરુદ્ધ એ ડિવિઝનમાં ફરિયાદ નોંધાવી જાહેર કર્યું કે ગયી તા.૧૪/૦૩ના રોજ કિશનભાઈ તેમના મિત્રની કાર લઈને અમદાવાદ કામ સબબ જતા હોય ત્યારે કાર લેવા મિત્રના ઘરે ગયા તે દરમિયાન કિશનભાઈએ તેમનું ઍક્સેસ મોપેડ રજી.નં. જીજે-૩૬-એએમ-૫૯૧૦ અવની ચોકડી નજીક પૂજા પાન સામે પાર્ક કર્યું હતું, અને કિશનભાઈ અમદાવાદ જતા રહ્યા હતા, જે બાદ ત્યાંથી ૨૬/૦૩ના રોજ અમદાવાદથી પરત આવ્યા ત્યારે જે જગ્યાએ ઍક્સેસ પાર્ક કર્યું હતું ત્યાં ઍક્સેસ મોપેડ જોવા ન મળતા આજુબાજુમાં તપાસ કરવામાં આવી છતાં ઍક્સેસ ન મળતા પ્રથમ ઇ એફઆઈઆર નોંધાવી છે, હાલ કિશનભાઈની ફરિયાદને આધારે પોલીસે અજાણ્યા વાહન ચોર વિરુદ્ધ ગુનો નોંધી કાયદેસરની કાર્યવાહી હાથ ધરી
