મોરબીના ભડીયાદ રોડ ઉપર આવેલ ૫૫૫ નળીયાના કારખાનાની ઓરડીમાં એલસીબી પોલીસ દ્વારા દરોડો પાડી વિદેશી દારૂની અલગ અલગ બ્રાન્ડની ૧૮ બોટલ સાથે બે શખ્સોની સ્થળ ઉપરથી ધરપકડ કરવામાં આવી છે. જયારે વિદેશી દારૂનો જથ્થો આપનારનું નામ ખુલતા તેને ફરાર જાહેર કરી ત્રણેય આરોપીઓ વિરુદ્ધ પ્રોહી. હેઠળ ગુન્હો દાખલ કર્યો છે.
પ્રાપ્ત માહિતી અનુસાર મોરબી એલસીબી પોલીસ ટીમને બાતમી મળેલ કે ભડીયાદ રોડ ઉપર આવેલ ૫૫૫ નળીયાના કારખાનાની ઓરડીમાં આરોપી અનિલ મહેશભાઈ વિદેશી દારૂનો જથ્થો રાખી તેનું વેચાણ કરે છે. જે મળેલ બાતમીને આધારે ઉપરોક્ત સ્થળે દરોડો પાડતા ઓરડીમાંથી મીણીયા કોથળાની અંદરથી વિદેશી દારૂની અલગ અલગ બ્રાન્ડની વ્હિસ્કીની ૧૮ બોટલ સાથે આરોપી અનિલ મહેશભાઇ જીજવાળીયા ઉવ-૧૯ રહે.મોરબી ભડીયાદ રોડ, સાયન્સ કોલેજ સામે, વિધાનગર સોસાયટી, ઉદય પ્રભુભાઇ સરવૈયા ઉવ-૨૨ રહે.મોરબી ભડીયાદ રોડ, વિધાનગર સોસાયટી સાયન્સ કોલેજ સામેને ઝડપી લેવામાં આવ્યા હતા જયારે દરોડા દરમિયાન પકડાયેલ બંને આરોપીની સઘન પૂછતાછમાં વિદેશી દારૂનો જથ્થો આપનાર હાર્દિકસિંહ હાલ રહે.મોરબી ભડીયાદ વિધાનગર સોસાયટી, મુળ રહે.થાનનું નામ ખુલતા તેને ફરાર દર્શાવી હાલ મોરબી તાલુકા પોલીસ મથકમાં ત્રણેય આરોપીઓ સામે પ્રોહી. કેસ દાખલ કરી કાયદેસરની કાર્યવાહી હાથ ધરી છે.
