Sunday, November 30, 2025
HomeGujaratમોરબી: જૂની અદાવતમાં યુવકને ધારીયાના ઘા મારી જાનથી મારી નાખવાની ધમકી, ૫...

મોરબી: જૂની અદાવતમાં યુવકને ધારીયાના ઘા મારી જાનથી મારી નાખવાની ધમકી, ૫ વિરુદ્ધ ગુનો દાખલ

મોરબીમાં અસામાજિક તત્વોએ ફરી માથું ઉચકયું હોય તેમ શહેરમાં કાયદો અને વ્યવસ્થાનો કોઈ ડર ન રહ્યો હોય તેમ જાહેર રોડ ઉપર જૂની અદાવતનો ખાર રાખી યુવકને જાનથી મારી નાખવાની ધમકી આપ્યા બાદ યુવકને શનાળા રોડ હાઉસિંગ બોર્ડ ખાતે તેના જ રહેણાંક મકાને અન્ય ચાર સાગરીતોને મોકલી, લોખંડના ધારીયા તથા ઢીકા પાટુનો માર મારી ગંભીર ઇજાઓ પહોંચાડી હતી. હાલ સમગ્ર બનાવ અંગે સારવારમાં રહેલ યુવક દ્વારા પાંચ જેટલા ઈસમો સામે ફરિયાદ નોંધાવવામાં આવી છે.

- Advertisement -
- Advertisement -

મોરબીમાં જૂની અદાવતનો ખાર રાખી યુવક ઉપર જીવલેણ હુમલો થયા અંગેની પ્રાપ્ત વિગતો અનુસાર, મોરબીના શનાળા રોડ ગુજરાત હાઉસિંગ બોર્ડના ક્વાર્ટર એમ-૧૦૦૫ માં રહેતા શક્તિસિંહ દિલીપસિંહ ઝાલા ઉવ.૩૨ એ સિવિલ હોસ્પિટલ ખાતે સારવારમાં હોય ત્યાંથી એ ડિવિઝન પોલીસ સમક્ષ આપવામાં આવેલ ફરીયાદ માં આરોપી અજયસિંહ વિજયસિંહ જાડેજા રહે. હાલ મોરબી મુળ રહે.સરવડ ગામ, પરથરાજસિંહ ભગીરથસિંહ ગોહિલ રહે. ત્રણ માળીયા ગુ.હા.બોર્ડ શનાળા રોડ, કૃષ્ણરાજસિંહ નરેન્દ્રસિંહ જાડેજા રહે.હાલ રાજક્રિષ્ના સ્કૂલ સામે મોરબી મૂળ રહે.ભીમકટા, રવિ ઉર્ફે છપરી બહાદુરસિંહ ઝાલા રહે.રાધેક્રિષ્ના સ્કૂલ પાસે મોરબી તથા ઉર્વરાજસિંહ ઉર્ફે ઉર્વીસ રહે.ત્રણ માળીયા ગુ.હા.બોર્ડ શનાળા રોડ મોરબી વાળા વિરુદ્ધ ફરિયાદ નોંધાવી છે, જેમાં જણાવ્યા અનુસાર આરોપી અજયસિંહ અને પાર્થરાજસિંહ સાથે ફરિયાદી શક્તિસિંહને જૂની અદાવત હોય ત્યારે ગઈકાલ તા ૨૯/૧૧ના રોજ ફરિયાદી પોતાનું એકટીવા લઈને જતા હોય ત્યારે સરદાર બાગના પાછળના ભાગે રોડ ઉપર આરોપી અજયસિંહે ફરિયાદીને રોકી જેમફાવે તેમ ગાળો આપી જાનથી મારી નાખવાની ધમકી આપી હતી. જે બાદ ફરિયાદી તેના રહેણાંક મકાન પાસે પહોચતા આરોપી પાર્થરાજસિંહ સહિતના ચારેય આરોપીઓ હાથમાં લોખંડના ધારીયું લઈને આવી ફરિયાદી શક્તિસિંહને આડેધડ ઢીકા પાટુનો માર મારી ધારીયા વડે એક ઘા ગળા અને ખંભાની વચ્ચે મારી જાનથી મારી નાખવાની ધમકી આપી હતી, આ દરમિયાન ફરિયાદીના મિત્ર નૈમિશભાઈને પણ વાસામા ધારીયાનો ઉંધો ઘા માર્યો હતો. આ દરમિયાન આજુબાજુના લોકો એકઠા થઇ જતા, તમામ આરોપીઓ સ્થળ ઉપરથી ચાલ્યા ગયા હતા, ત્યારે ફરિયાદી તથા તેમના મિત્રને સારવાર અર્થે સિવિલ હોસ્પિટલ ખાતે લાવવામાં આવ્યા હતા. હાલ સીટી એ ડિવિઝન પોલીસે પાંચેય આરોપીઓ સામે ગુનો નોંધી કાયદેસરની કાર્યવાહી હાથ ધરી છે.

- Advertisment -
- Advertisment -

Stay Connected

13,000FansLike
200FollowersFollow
50FollowersFollow
500SubscribersSubscribe

Most Popular

error: Content is protected !!