મોરબીમાં દ્વિચક્રી વાહનો ચોરાવાના બનાવોમાં વધારો થઈ રહ્યો છે. ત્યારે મોરબીનાં પંચાસર રોડ નારણજી પેરાજી ટ્રાંસપોર્ટની પાછળ શેરીમા ફોરેવર સોડાના કારખાનાની ગેટની બહારથી તસ્કરે મોટરસાઈકલની ચોરી કરતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ નોંધાઈ છે. જેને લઈ પોલીસે ગણતરીનાં દિવસોમાં આરોપીની અટકાયત કરી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબીમાં પંચાસર રોડ પ્રમુખસ્વામી સોસાયટી પાછળ હરીદર્શન એપાર્ટમેન્ટ બ્લોક નં.૭૦૨ ખાતે રહેતા ચુનીભાઇ મોહનભાઇ બેડીયાએ ગત તા.૨૭/૦૮/૨૦૨૩ના રોજ બપોરનાં સમયે પોતાનું જીજે-૦૩-બી.જી.-૪૨૬૮ નંબરનું હીરોહોન્ડા કંપનીનુ સ્પ્લેન્ડર મોટરસાઈકલ પંચાસર રોડ નારણજી પેરાજી ટ્રાંસપોર્ટની પાછળ શેરીમા ફોરેવર સોડાના કારખાનાની ગેટની બહાર હોય જ્યાંથી જ્યાંથી કોઈ અજાણ્યો ચોર વાહન ચોરી લઈ જતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ નોંધાઈ હતી. જેને લઈ પોલીસે ગુન્હો નોંધી આરોપીને પકડવા ચક્રો ગતિમાન કર્યા હતા. ત્યારે મોરબી સીટી એ ડિવીઝન પોલીસની ટીમે બાતમીનાં આધારે પ્રવિણભાઇ વિજયભાઇ મારુણીયા નામના આરોપીને ચોરાઉ મોટરસાઈકલ સાથે આરોપીની ગઈકાલે અટકાયત કરી કાયદેસરની કાર્યવાહી હાથ ધરી છે.
