દિલ્હી વિધાનસભામાં ભારતીય જનતા પાર્ટીનો વિજય થતા કચ્છ મોરબીના સાંસદ વિનોદ ચાવડાએ ભાજપની ભવ્ય જીતને આવકારી વડાપ્રધાન નરેન્દ્ર મોદી, અમિત શાહ અને જે.પી. નડ્ડા તેમજ દિલ્હી ભાજપના સંગઠનના પદાધિકારીઓને અભીનંદન પાઠવ્યા હતા…
દિલ્હી વિધાનસભાની ચૂંટણી યોજાઈ હતી જેમાં ભારતીય જનતા પાર્ટીએ વિજય મેળવ્યો છે. ત્યારે કચ્છના સાંસદ અને ગુજરાત પ્રદેશ ભાજપ મહામંત્રી વિનોદભાઇ ચાવડાએ દિલ્હી વિધાનસભામાં થયેલ ભાજપની ભવ્ય જીતને આવકારતા જણાવ્યુ હતું કે, છેલ્લા ૨ ટર્મના આપના શાસનમાં ભ્રષ્ટાચાર, જુઠાણા, અને પ્રજાને ખોટા વચનોથી ત્રસ્ત દિલ્હીની જનતાએ આ ચૂંટણીમાં હરાવ્યા છે. અને ભાજપને સ્પષ્ટ બહુમતી આપી છે. જનતાએ લોક લાડીલા વડાપ્રધાનની નિર્ણાયક સરકાર અને ભારતીય જનતા પાર્ટીમાં સંપૂર્ણ વિશ્વાસ મૂકી પ્રચંડ જીત આપી છે. હું દિલ્હીની જનતા જનાર્દન માનનીય વડાપ્રધાન, અમિતશાહ, જે.પી.નડ્ડાજી, દિલ્હી ભાજપના સંગઠન પદાધિકારીઓ અને કાર્યકરો સૌને અભિનંદન પાઠવું અને સૌનો આભાર વ્યક્ત કરું છું…
