મોરબીના સામાકાંઠે આવેલ વેજીટેબલ રોડ નજીક એક યુવકની હત્યા થઈ હોવાની ઘટના સામે આવી છે. જેમાં એક માથાકૂટમાં સમજાવવા જતાં યુવકની ચાર ઈસમોએ છરીનો પેટના ભાગે ઘા ઝીંકી કરપીણ હત્યા કરી હોવાની ઘટના સામે આવી છે. ત્યારે પોલીસે ઘટનાસ્થળે પહોંચી હત્યારાને ઝડપી પાડવા કવાયત હાથ ધરી છે.
મળતી માહિતી અનુસાર, મોરબીના સામાકાંઠે આવેલ વેજીટેબલ રોડ નજીક અંદરો અંદર માથાકૂટ થતાં સમજાવવા જતાં રવિ જયસુખભાઈ ઝાલા નામના યુવકને છરીનો કલેજ લલિતભાઈ વાઘેલા, રાજ લલિતભાઈ વાઘેલા,લલિતભાઈ કેશાભાઈ વાઘેલા અને રાજુભાઈ કેશાભાઈ વાઘેલા નામના ઈસમોએ પેટના ભાગે ઘા ઝીંકી હત્યા નિપજાવી હતી. ત્યારે બનાવની જાણ થતા જ પોલીસ કાફલો ઘટનાસ્થળે પહોંચ્યો હતો અને પોલીસે મૃતદેહને પીએમ અર્થે ખસેડી હત્યાનો ગુનો નોંધી હત્યારાને ઝડપી પાડવા કવાયત હાથ ધરી છે. ત્યારે ઘટનાને પગલે મોરબી સિવિલ હોસ્પિટલમાં લોકોના ટોળા ઉમટી પડ્યા હતા
