ટંકારાના નસીતપર ગામે ઉપસરપંચ તરીકે સુરેશભાઈ મેરજાની બિનહરીફ વરણી કરાઈ

ટંકારા તાલુકાના નસીતપર ગામના ઉપસરપંચની જગ્યા ઘણા સમયથી ખાલી હતી. ત્યારે સરપંચ રમેશભાઈ કુંડરિયાના અધ્યક્ષ સ્થાને ગ્રામ પંચાયતના સદસ્યોની હાજરીમાં ઉપસરપંચ તરીકે સુરેશભાઈ રામજીભાઈ મેરજાની નિમણુક કરવામાં આવી છે..

ટંકારા તાલુકાના નસીતપર ગામે ઉપસરપંચ પદ ખાલી પડતા આજ રોજ સરપંચ રમેશભાઈ કુંડરીયાના અધ્યક્ષ સ્થાને મિટિંગ મળી હતી. જે મિટિંગમાં ગ્રામ પંચાયતના તમામ સદસ્યોની હાજરીમાં પંચાયત સભ્ય તરીકે કાર્યરત સુરેશભાઈ રામજીભાઈ મેરજાની ઉપસરપંચ તરીકે બિનહરીફ વરણી કરવામાં આવી છે. સુરેશભાઈ મેરજાની બિનહરીફ વરણી થતાં ગામના સરપંચ, ગ્રામ પંચાયત સભ્યો તથા ગ્રામજનો દ્વારા શુભેચ્છા પાઠવવામા આવી હતી.