મોરબીની જીએમઇઆરએસ મેડિકલ કોલેજ ખાતે રાષ્ટ્રીય માર્ગ સલામતી માસની ઉજવણી કરવામાં આવી હતી.જે કાર્યક્રમમાં તબીબી વિદ્યાથીઓને માર્ગ સલામતીના નિયમો, ગુડ સેમેરિટન સ્કીમ તેમજ હિટ એન્ડ રન સ્કીમની માહિતી આપીને માહિતગાર કરાયા હતા.
મોરબી ખાતે રાષ્ટ્રીય માર્ગ સલામતી માસ 1 જાન્યુઆરી 2025 થી 31 જાન્યુઆરી 2025 સુધી ઉજવવામાં આવી રહ્યો છે. ત્યારે આજરોજ જીએમઇઆરએસ મેડિકલ કોલેજ મોરબી ખાતે આરટીઓ મોરબી અને પોલીસ વિભાગ દ્વારા તબીબી વિદ્યાર્થીઓને માર્ગ સલામતીના નિયમો, ગુડ સેમેરિટન સ્કીમ તેમજ હિટ એન્ડ રન સ્કીમની માહિતી આપવામાં આવી હતી. જે કાર્યક્રમમાં મોટર વાહન નિરીક્ષક એ.આર સૈયદ તેમજ પોલીસ સબ ઇન્સ્પેક્ટર ડીબી ઠક્કર ઉપસ્થિત રહ્યા હતા. માર્ગ સલામતી દરમિયાન માર્ગ અકસ્માતમાં ઘટાડો થાય તેવા હેતુથી જિલ્લાની સ્કૂલો તેમજ સંસ્થાઓ ખાતે માર્ગ સલામતીના સેમિનાર યોજી લોકોને માહિતગાર કરવામાં આવી રહ્યા છે.
