મોરબીનુ નવલખી ફાટક હવેથી કાયમી બંધ રહેશે:ફાટક મુક્ત અભિયાન અંતર્ગત ફાટક કાયમી બંધ કરાયું

મોરબી ના નવલખી ફાટક પેહલા ટ્રાફિક સમસ્યા માટે જાણીતું હતું.જો કે ઓવર બ્રિજ બની જતા લોકોને હાશ કરો થયો હતો અને ટ્રાફિક માંથી મુક્ત થયાની ખુશી છવાઈ હતી.

પરંતુ આ ખુશી થોડા દિવસો જ ટકી રહી હતી .કેમ કે હવે થી નવલખી ફાટક નંબર ૩૬ ને કાયમી ધોરણે બંધ કરવાનો રેલવે તંત્ર દ્વાર નિર્ણય લેવામાં આવ્યો છે .આ બાબતે મળતી માહિતી મુજબ આ નવલખી ફાટક નં.૩૬ હવેથી કાયમી ધોરણે બંધ રહેશે.ફાટક મુક્ત અભિયાન અંતર્ગત આ નિર્ણય લેવામાં આવ્યો છે.અગાઉ ઓવર બ્રિજ ન હોવાના કારણે વાહન ચાલકોને અન્ય કોઈ રસ્તાનો વિકલ્પ ન હોય જેથી અત્યાર સુધી ફાટક બંધ કર્યું ન હતું જોકે હવે ઓવર બ્રિજ બની જતા રેલવે તંત્ર દ્વારા તમામ પ્રકારની મંજૂરીઓ મેળવી ને આ ફાટક બંધ કરવાનો નિર્ણય લેવામાં આવ્યો છે અને ફાટક કાયમી ધોરણે બંધ કરી દેવામાં આવ્યું છે.