માળીયા મિયાણા તાલુકાન નાના દહીસરા ગામના પાટીયા પાસે રોડ પર બેફામ સ્પીડે આવતી બાઈકે આધેડને અફફેટે લેતા અકસ્માત સર્જાયો હતો જેમાં આધેડનું કમકમાટીભર્યું મોત નીપજ્યું હતું. જેને પગલે અજાણ્યાં બાઈક ચાલક વિરુદ્ધ પોલીસ મથકમાં ફરિયાદ નોંધાઈ છે.
મોરબી જિલ્લામાં અકસ્માતના બનાવો જાણે સામાન્ય બની ગયા હોય તેમ અવારનવાર કિસ્સાઓ સામે આવે છે ત્યારે આજે વધુ એક અકસ્માતનો કિસ્સો સામે આવ્યો છે જેમાં નાના દહીસરા ગામના પાટીયા પાસે આવેલ રેલ્વે ફાટક નજીક રોડ પર અજાણ્યાં મોટરસાયકલ ચાલકે પુર ઝડપે બાઈક ચલાવી સ્ટેરિંગ પરનો કાબૂ ગુમાવી દેતા રમેશભાઇ પરસોતમભાઇ ભટસણા (ઉ.વ.૫૧) ને અડફેટે લીધા હતા. આ અકસ્માતમાં પગપાળા જતા રમેશભાઇને માથામાં અને મોઢામાં નાક, કાનના ભાગે ગંભીર ઇજા થવા પામી હતી. ગંભીર ઇજાને પગલે આધેડનું મોત નિપજ્યું હતું. અકસ્માત સર્જી આરોપી બાઈક લઇ ભાગી છૂટતાઆ બનાવને પગલે રતનશીભાઇ પરસોતમભાઇ ભટાસણાએ માળીયામીં.પોલિસ મથકમાં અજાણ્યાં બાઈક ચાલક વિરુદ્ધ પોલીસ ફરિયાદ નોંધાવી છે.
