મોરબીના નવાગામ પાસે “તારે આ બાજુ આવવાનુ નહી” કહી ઈસમે યુવકને ઢીબી નાખ્યો

મોરબીમાં મારામારીની વધુ એક ઘટના સામે આવી છે. જેમાં એક ઈસમે નવાગામની સીમમાં મજુરને ઢોર માર મારી “તુ આ બાજુ દેખાતો નહી તારે આ બાજુ આવવાનુ નહી” તેમ કહી ગાળો ભાંડતા સમગ્ર મામલે મોરબી તાલુકા પોલીસ સ્ટેશનમાં ફરિયાદ દાખલ કરવામાં આવી છે.

મળતી માહિતી અનુસાર, મોરબીના લીલાપર રોડ ગીરનારી આશ્રમની બાજુમાં રહેતા મૂળ રાજકોટનાં જામકંડોરણાના મહેશભાઇ માવજીભાઇ વેગડા નામના યુવકને કિરણભાઇ ઉર્ફે બેબલો નાગજીભાઇ દેગામા (રહે.લીલાપર ગામ તા.જી.મોરબી) નામના શખ્સે જેમ ફાવે તેમ ભુંડાબોલી ગાળો દઇ જાહેરમાં અપમાનીત કરી લાકડાના ધોકાથી ડાબા પગે તથા ડાબા હાથે તથા વાંસાના ભાગે મુંઢ ઇજાઓ કરી “તુ આ બાજુ દેખાતો નહી તારે આ બાજુ આવવાનુ નહી” તેમ કહેતા સમગ્ર મામલે મોરબી તાલુકા પોલીસ સ્ટેશનમાં કિરણભાઇ વિરુધ્ધ મહેશભાઇ માવજીભાઇ વેગડાએ ફરિયાદ દાખલ કરાવી છે.