ટંકારા નજીક ૩૫૦ લીટર દેશી દારૂ ભરેલી બોલેરો સાથે બે ઝબ્બે

ટંકારા નજીક રાજકોટ મોરબી હાઈવે પરથી પસાર થતી બોલેરોને પોલીસે અટકાવી તલાશી લેતા તેમાથી ૩૫૦ લીટર દેશી દારૂનો જથ્થો મળી આવતા દારૂની ખેપ મારવા જતા રાજકોટના શખસોની ધરપકડ કરી વધુ તપાસ હાથ ધરી હતી.

ટંકારા નજીકની લતીપર ચોકડી પાસેથી પસાર થતી બોલેરો નં. GJ 13 AT 2625 રોકીને તલાશી લેતા પોલીસને અંદરથી ૩૫૦ લીટર દેશી દારૂ મળી આવ્યો હતો. તેમજ દારૂની હેરાફેરી કરનાર રાજકોટના બે શખસ સુનિલ ભાનુભાઈ સોલંકી અને પ્રફુલ ગાંગજીભાઈ ચાવડાની ધરપકડ કરી રૂ.૩૦૭૦૦૦નો મુદામાલ જપ્ત કરી બંને સામે પ્રોહીબીશનની કલમ હેઠળ ગુનો નોંધી વધુ તપાસ ટંકારા પોલીસ મથકમાં પી આઇ એન. એ. વસાવા ચલાવી રહ્યા છે.