મોરબી સ્ટેશન રોડ પર નવજાત મૃત બાળક મળી આવ્યું

મોરબી પંથકમાં ફિટકાર વરસાવતો બનાવ સામે આવ્યો છે. શહેરના સ્ટેશન રોડ પાસે રહેણાક વિસ્તારમાં તાજુ જન્મેલ મૃત બાળક કોઈ ફેંકી ગયાનું સામે આવતા સ્થાનિક લોકોએ પોલીસને જાણ કરી હતી. અને મૃત જવજાત બાળકને તરછોડી દેનાર ક્રૂર માતા પિતા સામે લોકોએ ફિટકાર વરસાવતા નજરે પડ્યા હતા.

મળતી માહિતી અનુસાર, મોરબીના સ્ટેશન રોડ પાસે રહેણાંક વિસ્તારમાં તાજુ જન્મેલ મૃત બાળક મળી આવ્યું છે. તાજેતરમાં જન્મેલ બાળકને કોઈ મૃત હાલતમાં કોઈ ફેંકી ગયું છે. નવજાત મૃત બાળક મળી આવતા સ્થાનક લોકોએ પોલીસને જાણ કરી હતી. સવારના સમયે કોઈ નવજાત બાળકને ફેંકી જતાં સ્થાનિકોમાં ચકચાર મચી જવા પામી છે. અને મૃત નવજાત બાળકને તરછોડી દેનાર ક્રૂર માતા પિતા પર લોકો ફિટકાર વરસાવી રહ્યા છે. હાલ પોલીસે ઘટના સ્થળે પહોંચી મૃત બાળકને કોણ તરછોડી ગયું તે દિશામાં તપાસ હાથ ધરી છે..