વાંકાનેર તાલુકા પોલીસ સ્ટેશનના પોલીસ સબ ઇન્સપેક્ટર તથા પોલીસ ટીમે ઓર્ગેનાઇઝડ ક્રાઇમ આચરતી ચોર ટોળકીને પકડી પાડી હતી. તેમજ અલગ અલગ ચોરીના ગુન્હાઓ ટીટેક્ટ કરવા બદલ મોરબી કલેકટર દ્રારા પોલીસ કર્મચારીઓને સન્માનીત કરવામાં આવ્યા છે.
મળતી માહિતી અનુસાર, મોરબી જીલ્લામાં ઓર્ગેનાઇઝડ ક્રાઇમ આચરતી ચોર ટોળકીને પકડી પાડી વાંકાનેર તાલુકા પોલીસ સ્ટેશનના ચોરીના ત્રણ ગુન્હાનો ભેદ ઉકેલવામાં આવ્યો હતો. જે સારી કામગીરી બદલ વાંકાનેર તાલુકા પોલીસ સ્ટેશનના પોલીસ સબ ઇન્સપેક્ટર એલ.એ.ભરગા, એ.એસ.આઇ. ચમનભાઇ ચાવડા, પોલીસ હેડ કોન્સ્ટેબલ ક્રિપાલસિંહ ચાવડા તથા પોલીસ કોનસ્ટેબલ સંજયસિંહ જાડેજાને સ્વાતંત્ર્ય દીવસ નીમીતે મોરબી કલેક્ટર ઝવેરી સાહેબ, મોરબી પોલીસ અધીક્ષક રાહુલ ત્રીપાઠી, મોરબીના ધારાસભ્ય કાંતીભાઇ અમૃતિયા તેમજ વહીવટી અધીકારીઓની ઉપસ્થીતીમાં સન્માનપત્ર આપી સન્માનીત કરવામાં આવ્યા હતા.
