મોરબીમાં મહારાજા શ્રી લખધીરજી એન્ડાઉમેન્ટ ટ્રસ્ટ સંચાલિત બાજીરાજબા વૃદ્ધાશ્રમના આશ્રમવાસી વડીલના જન્મદિન નિમિતે એન્ડાઉમેન્ટ ટ્રસ્ટના મેઈન સેક્રેટરી મહેન્દ્રભાઈ પોપટ દ્વારા કેક કટિંગ કરીને વૃદ્ધાશ્રમના વડીલના જન્મદિવસની પ્રેરણાત્મક ઉજવણી કરવામાં આવી છે.
મોરબી શહેરના વીસી ફાટક નજીક આવેલ મહારાજા શ્રી લખધીરજી એન્ડાઉમેન્ટ ટ્રસ્ટ સંચાલિત બાજીરાજબા વૃદ્ધાશ્રમમાં રહેતા આશ્રમવાસી વડીલ રમણીકભાઇ કલ્યાણજીભાઇ મિસ્ત્રીના ૭૪માં જન્મદિવસ તથા મોરબી ડિસ્ટ્રિક્ટ નારી અદાલતના કોઓર્ડીનેટર કાજલબેન મનીષભાઈ લોઢીયાનો પણ જન્મદિવસ હોય જેથી શ્રી લખધીરજી એન્ડાઉમેન્ટ ટ્રસ્ટના મેઈન સેક્રેટરી મહેન્દ્રભાઈ પોપટ તથા કાજલબેન લોઢીયા દ્વારા આશ્રમવાસીઓના તમામ વડીલો સાથે મળી કેક કટિંગ કરી ઉજવણી કરવામાં આવી હતી. અત્રે ઉલ્લેખનીય છે કે વૃદ્ધાશ્રમના દરેક વડીલના જન્મદિવસની મહેન્દ્રભાઈ પોપટ પોતાના સ્વખર્ચે ઉજવણી કરી ધન્યતા અનુભવે છે.
