હળવદના દીઘડિયા ગામેથી વિદેશી દારૂની નાની-મોટી ૧૨૦ બોટલ સાથે એક ઝડપાયો

હળવદ તાલુકાના દીઘડિયા ગામે રહેણાંક મકાનમાં વિદેશી દારૂનો જથ્થો રાખી વેચાણ થતું હોવાની પૂર્વ બાતમીને આધારે હળવદ પોલીસે નરપતસિંહ ઝાલાના રહેણાંક મકાનમાં દરોડો પાડ્યો હતો, ત્યાંરે ઉપરોક્ત રહેણાંક મકાનની બાજુમાં નળીયા વાળી જૂની ડેલીમાં તપાસ કરતા વિદેશી દારૂની અલગ અલગ બ્રાન્ડની ૭૫૦મીલી. અને ૧૮૦મીલી. ની ૧૨૦/- બોટલ કિ.રૂ.૨૫,૪૦૪/- મળી આવી હતી, આ સાથે પોલીસે આરોપી નરપતસિંહ કલ્યાણસિંહ ઝાલા ઉવ.૩૯ રહે.દીઘડિયા ગામવાળાની ધરપકડ કરવામાં આવી તેની વિરુદ્ધ ગુનો દાખલ કરી ધોરણસરની કાર્યવાહી હાથ ધરી છે.