મોરબીના ભડિયાદ ગામે વિદેશી દારૂની ૪ બોટલ સાથે એક પકડાયો,સપ્લાયરનું નામ ખુલ્યું

મોરબી તાલુકા પોલીસ પેટ્રોલિંગમાં હોય તે દરમિયાન ભડિયાદ ગામ નજીક ભડિયાદ રોડ ઉપર એક ઈસમ વિદેશી દારૂની અલગ અલગ બ્રાન્ડની ચાર બોટલ કિ.રૂ.૨,૪૫૦/- સાથે નીકળેલ હોય જેને તાલુકા પોલીસ દ્વારા પકડી લેવામાં આવ્યો હોય, પોલીસે આરોપી વિશાલભાઇ રમણીકભાઇ ઉર્ફે રમેશભાઇ સોલંકી ઉ.વ.૨૫ રહે-હરબટીયારી તા.ટંકારાવાળાની સ્થળ ઉપરથી અટકાયત કરી હતી. પકડાયેલ આરોપીની સઘન પૂછતાછમાં આ દારૂનો જથ્થો આરોપી સાગરભાઇ કિશનભાઇ ઉર્ફે કિશોરભાઇ પરમાર રહે-રફાળેશ્વરવાળા પાસેથી મંગાવ્યો હોવાની કબૂલાત આપતા પોલીસે તે આરોપીને ફરાર દર્શાવી બન્ને આરોપીઓ સામે પ્રોહી.એક્ટ હેઠળ ગુનો નોંધી આગળની તપાસ ચલાવી છે.