મોરબી તાલુકા પોલીસ ટીમ પૂર્વ બાતમીને આધારે ઉચી માંડલ ગામ પાસે વોચમાં હોય ત્યારે હળવદ તરફથી આવતી ઇકો કારને રોકી તલાસી લેતા તેમાંથી વિદેશી દારૂની વિવિધ બ્રાન્ડની ૭૨ બોટલ મળી આવી હતી, આ સાથે આરોપી કાર ચાલકની અટક કરી હતી. ત્યારે પકડાયેલ આરોપીએ માલ મંગાવનાર તરીકે મોરબીના એક ઇસમના નામની કબુલાત આપતા તાલુમાં પોલીસે તેને ફરાર દર્શાવી, ઇકો કાર, વિદેધી દારૂ સહિત કિ.રૂ.૩,૪૮,૭૯૬/-નો મુદ્દામાલ કબ્જે કરી બન્ને આરોપીઓ સામે ગુનો નોંધ્યો છે.
મળતી માહિતી અનુસાર, મોરબી તાલુકા પોલીસને બાતમી મળેલ કે હળવદ તરફથી ગ્રે કલરની ઇકો કારમાં વિદેશી દારૂ મોરબી શહેરમાં આવવાનો હોય જેથી પોલીસ ટીમ ઉચી માંડલ ગામ નજીક રામદેવ હોટલ પાસે વોચમાં હોય તે દરમિયાન બાતમી મુજબની ગ્રે કલરની ઇકો કાર રજી.નં. જીજે-૧૩-સીએ-૧૮૫૨ ત્યાંથી પસાર થતા તેને રોકી તલાસી લેતા ઇકો કારમાંથી વિદેશી દારૂની અલગ અલગ બ્રાન્ડની ૭૨ શીલપેક બોટલ કિ.રૂ.૪૮,૭૯૪/-મળી આવી હતી, આ સાથે ઇકો કાર ચાલક આરોપી અલ્તાફ ઉર્ફે લાલો મહેબૂબભાઈ હિંગોરજા ઉવ.૨૪ રહે.ધ્રાંગધ્રા માજી સૈનિક સોસાયટીવાળાની અટકાયત કરવામાં આવી છે. પોલીસે ઇકો કાર કિ.રૂ.૩ લાખ સહિત રૂ.૩,૪૮,૭૯૪/-નો મુદ્દામાલ કબ્જે કર્યો છે. જ્યારે પકડાયેલ આરોપીની સઘન પૂછતાછમાં આ વિદેશી દારૂનો જથ્થો વેચાણથી આરોપી સંદીપભાઈ બેચરભાઈ ચાઉ રહે.મોરબી સો ઓરડી વાળાને આપવાનો હોય જે મુજબની કબુલાત આપતા પોલીસે આરોપી સંદીપને ફરાર દર્શાવી બન્ને આરોપીઓ સામે પ્રોહી. એક્ટ હેઠળ ગુનો નોંધી, ફરાર આરોપીને પકડી લેવા તજવીજ હાથ ધરી છે.
