મોરબી સીટી બી ડિવિઝન પોલીસ ટીમ દ્વારા પૂર્વ બાતમીને આધારે વીસીપરા અમરેલી રોડ ઉપરથી ગેરકાયદેસર દેશી હાથ બનાવટની બંદુક સાથે એક ઇસમને ઝડપી લેવામાં આવ્યો છે, આ સાથે આરોપી સામે આર્મ્સ એક્ટ હેઠળ ગુનો નોંધી આગળની વધુ તપાસની કાર્યવાહી હાથ ધરવામાં આવી છે.
મોરબી જીલ્લા પોલીસના ઉચ્ચ અધિકારીઓ દ્વારા સૂચના આપવામાં આવી કે, ગેરકાયદેસર હથિયારો રાખતા ઇસમો તેમજ અસામાજીક પ્રવૃતિ આચરતા ઇસમો શોધી કાઢી તેના વિરૂધ્ધ ધોરણસરની કાર્યવાહી કરવી, જે અન્વયે બી ડિવિઝન પોલીસ મથકના પીઆઇ વી.એન.પરમાર તથા સર્વેલેન્સ ટીમ વીસીપરા ફાટક પાસે પેટ્રોલીંગમાં હોય તે દરમ્યાન હેડ.કોન્સ. જગદિશભાઇ ડાંગર તથા હેડ.કોન્સ. સંજયભાઇ રાઠોડને સંયુકતમાં ખાનગીરાહે બાતમી મળેલ કે, મોરબી વીસીપરા અમરેલી રોડ સૌરાષ્ટ્ર નડિયાના કારખાના પાસે એક ઇસમ કે જે, એક દેશી હાથ બનાવટની બંદુક સાથે આંટાફેરા છે તેવી હકિકત મળતા તુરંત ઉપરોક્ત સ્થળે તપાસ કરતા, મળેલ બાતમીના વર્ણનવાળો આરોપી ઇબ્રાહિમભાઇ ઉર્ફે ડાડો આદમભાઇ ચનાણી ઉવ.૨૪ રહે. કાંતીનગર જુબેદા મસ્જીદ પાછળ મોરબી-ર મુળરહે. ગામ બેલા (આમરણ) તા.જી.મોરબી વાળા પાસેથી દેશી બનાવટની બંદુક નંગ-૦૧ કિં.રૂ.૨૦૦૦/-સાથે મળી આવતા તેની અટક કરવામાં આવી હતી, આ સાથે પકડાયેલ આરોપી વિરુદ્ધ હથિયારધારા હેઠળ ગુનો નોંધી કાયદેસરની કાર્યવાહી હાથ ધરી છે.
