મોરબીમાથી એક, એક બોટલ દારૂ સાથે યુવાન અને સગીર ઝડપાયા

મોરબીના પરસોતમ ચોક નજીકથી એક બોટલ દારૂ સાથે સગીર તથા કુળદેવી પાન નામની દુકાન નજીકથી એક બોટલ દારૂ સાથે એક યુવાનને પોલીસે ઝડપી લીધા હતા.

મોરબીના પરસોતમ ચોકમાં આવેલ રાષ્ટ્રીય શાળા નજીકથી દારૂની એક બોટલ કિંમત રૂપિયા 300 સાથે નીકળેલા સગીરને સીટી એ ડિવિઝન પોલીસે ઝડપી લીધો હતો જેની પૂછપરછ દરમિયાન આ બોટલ સીદીક ઇસ્માઇલભાઇ ચાનીયા રહે. મોરબી, વાધપરાવાળા પાસેથી મેળવી હોવાનું ખુલતા પોલીસે આ શખ્સને ઝડપી લેવા કાર્યવાહી હાથ ધરી છે.

અન્ય એક કેસમાં સીટી બી ડિવિઝન પોલીસ સ્ટાફે કુળદેવી પાન પાસે લગધીરગેટ પોલીસ ચોકી નજીક જાહેરમાં એક બોટલ દારૂ કિંમત રૂપિયા ૩૭૫ સાથે કિશનભાઇ ધીરૂભાઇ પારેખ (ઉ.વ.૨૫) રહે. રામકુષ્ણ સોસાયટી સામાકાંઠે મોરબીવાળાને ઝડપી લઈ કાયદેશરની કાર્યવાહી હાથ ધરી હતી.