શ્રીમદ્ ભાગવત્ એ પરમાત્માનું દિવ્ય સ્વરૂપ છે. શ્રીમદ્ ભાગવતનું ચિંતન-મનન-વાંચન થઈને મોક્ષ આપનારું છે. ત્યારે આગામી તા.૧૭/૧૨/૨૦૨૩ થી ૨૩/૧૨/૨૦૨૩ સુધી મોરબીના ચૌહાણ પરીવાર દ્વારા હરીદ્વાર ખાતે શ્રીમદ્ ભાગવત સપ્તાહનું આયોજન કરવામાં આવ્યું છે.
મોરબીના ગુર્જર ક્ષત્રિય કડિયા જ્ઞાતિના આગેવાન સુનીલ શાંતિલાલ ચૌહાણ અને તેમના પરીવાર દ્વારા હરીદ્વાર ખાતે પુષ્ટીમાર્ગીય ભાગવત આચાર્ય સુહાગભાઈ દવેના શુભમુખે સંગીતમય સૈલીમાં આગામી તા.૧૭/૧૨/૨૦૨૩ થી ૨૩/૧૨/૨૦૨૩ સુધી તુલસી માનસ મંદીર હરીદ્વાર ખાતે શ્રીમદ્ ભાગવત સપ્તાહનું આયોજન કરવામાં આવ્યું છે. આ શુભ ધામિઁક કાર્ય કરવા તેઓ મોરબીથી ૨૦૦ લોકોનો સંધ સાથે લઈ જશે. જેને લઈ આજરોજ કથાના મનોરથી શ્રી સુનિલ શાંતિલાલ ચૌહાણ, મેહુલભાઈ શાંતિલાલ ચૌહાણ, હીરેનભાઈ શાંતિલાલ ચૌહાણ તથા દીપેશ શાંતિલાલ ચૌહાણ તથા સમગ્ર ચૌહાણ પરીવારનું તેમના મિત્રવર્તુળ દ્વારા મોરબી રેલ્વેસ્ટેશન પર બહુમાન કરી શુભેચ્છા પાઠવવામાં આવી હતી.
