હળવદના ટિકર ગામ નજીક રણની ઢસી પાસેથી નવજાત મૃત શિશુ મળી આવતા ખળભળાટ

હળવદ તાલુકાના ટિકર ગામ નજીક રણની ઢસી પાસેથી એક ત્યજી દેવાયેલ મૃત બાળક મળી આવતા અરેરાટી વ્યાપી ગઈ છે ત્યારે હળવદ પોલીસે મૃતદેહનો કબજો સાંભળીને આગળની તપાસ હાથ ધરી છે.

મળતી માહિતી  અનુસાર, હળવદ તાલુકાના ટિકર ગામ નજીક રણની ઢસી પાસેથી નવજાત શિશુનો મૃતદેહ મળી આવ્યો છે. રોડ કાંઠા પાસેથી નવજાત શિશુનું મૃતદેહ સ્થાનિકોની નજરે પડતા સ્થાનિકો દ્વારા મૃતદેહ અંગે પોલીસને જાણ કરી હતી. જેને લઇ પોલીસ તાત્કાલિક ઘટનાસ્થળે પહોંચી હતી અને તપાસ હાથ ધરી હતી. ત્યારે મૃતદેહ પર માટી ચોંટેલી હોવાથી જમીનમાથી કોઈ પ્રાણીએ મૃતદેહને બહાર કાઢ્યો હોવાની આશંકા હાલ પોલીસ દ્વારા વ્યક્ત કરવામાં  .આવી છે. તેમજ હળવદ પોલીસે આગળની તપાસ હાથ ધરી છે.