મોરબીમાં માર્ગ અકસ્માતની વધુ એક ઘટના સામે આવી છે. જેમાં પુરપાટ ઝડપે જતી મોટરસાઈકલે રાહદારી મહિલાને હડફેટે લેતા મહિલાને માથામાં, કમરમાં તથા હાથમાં ઈજાઓ પહોંચી હતી. જે સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, મોરબીમાં કંડલા બાયપાસ ઉમા સ્ટીલ પાછળ બાલાજી હોમ્સ બ્લોક નં.૫૦૪ ખાતે રહેતા રૂક્ષ્મણીબેન કાંતીભાઇ રાજપરા ગત તા.૧૫/૧૧/૨૦૨૩ ના બાપોરાના સમયે મોરબી કંડલા બાયપાસ પર માધવ હોટલ સામે રોડ ઉપરથી પસાર થઇ રહ્યા હતા. ત્યારે જીજે.૦૨.એ.એચ.૮૮૧૦ નંબરનાં મોટરસાઈકલના ચાલક લાખાભાઇ લખુભાઇ ચાવડા (રહે.લાતીપ્લોટ મોરબી)એ પોતાના હવાલાવાળુ મોટરસાઈકલ પુર ઝડપે અને ગફલત ભરી રીતે બેદરકારીથી મનુષ્યની જીંદગી જોખમાય તે રીતે ચલાવી નિકળી ફરિયાદી ચાલીને જતા રોડ ક્રોસ કરતા હોય ત્યારે ફરિયાદી સાથે અથડાવી પછાડી દેતા માથામા માઇનર હેમરેજ જેવી ઇજા કરી તથા જમણા હાથના ખંભા પાસે તેમજ કમરાના ભાગે નાની મોટી ઈજાઓ કરતા સમગ્ર મામલે મોરબી સીટી એ ડિવીઝન પોલીસ સ્ટેશનમાં ફરિયાદ દાખલ કરવામાં આવી છે.
