મોરબી એલસીબી કચેરી ખાતે મોરબી તાલુકાના વિવિધ ગુન્હાકીય પ્રવૃત્તિઓમાં સંડોવાયેલા ઈસમોને બોલાવવામાં આવ્યા હતા, જેમાં પ્રોહિબિશન કેસના બૂટલેગરો, એમસીઆર વાળા ઈસમો, હિસ્ટ્રીશીટર, લિસ્ટેડ ગુનેગારો અને મિલકત તથા શરીર સંબંધિત ગુનાઓ કરનાર અસામાજિક ગુંડાતત્વો સામે પુછપરછ હાથ ધરવામાં આવી હતી. સાથે સાથે ભવિષ્યમાં આવા ગુનાઓનું પુનરાવર્તન ન કરે તે અંગે તાકીદ પણ કરવામાં આવી હતી.
મોરબી એલસીબી દ્વારા તાલુકા પોલીસ સ્ટેશન વિસ્તારમાં ચાલતી ગેરકાયદેસર પ્રવૃત્તિઓ પર અંકુશ લાવવા વિશેષ કાર્યવાહી હાથ ધરવામાં આવી હતી. અલગ અલગ ગેરકાયદેસર પ્રવૃત્તિ સાથે જોડાયેલા ઈસમો જેમાં પ્રોહિબિશન હેઠળ બૂટલેગરો, એમસીઆર અને એચએસ લીસ્ટમાં સમાવિષ્ટ ઇસમો, તેમજ મિલકત અને શરીર સંબંધિત ગુનાઓમાં સંડોવાયેલા ઈસમોને એલસીબી કચેરીએ બોલાવી તેમના હાલની પ્રવૃત્તિઓ અંગે વિગતવાર પૂછપરછ કરવામાં આવી હતી. પોલીસ દ્વારા આ તમામ ઈસમોને સખત ચેતવણી આપવામાં આવી કે, તેઓએ આવા કૃત્યોનો પુનરાવર્તન ન કરવો જોઈએ, નહિતર તેમની સામે વધુ કડક પગલાં લેવામાં આવશે.
