ગુજરાત રાજયમાં અસામાજીક ગુંડા તત્વો વિરુધ્ધ શિક્ષાત્મક કાર્યવાહી કરવા અન્વયેના ૧૦૦ કલાકના એજન્ડા અંતર્ગત રાજકોટ રેન્જ વિસ્તારમાં કરવામાં આવતા રાજકોટ ગ્રામ્ય, મોરબી, સુરેદ્રનગર, જામનગર તેમજ દેવભૂમિ દ્વારકામાં કામગીરી કરવામાં આવી છે. જે પાંચ જિલ્લામાં જેમાં કુલ ૧૯૧૭ ઇસમોની યાદી તૈયાર કરવામાં આવી છે. જે યાદીમાંથી કુલ ૨૮ ઈસમો સામે પાસા અને ૩૨ ઈસમો ઉપર હડપારની દરખાસ્તો તૈયાર કરવામાં આવી છે. તેમજ તે પૈકી ૨૨૪ ઇસમોની અટકાયત કરવામાં આવી છે. તેમજ GP એક્ટ – ૧૩૫ હેઠળ ૪ કેસ કરવામાં આવ્યા છે, તેમજ ગેર કાયદેસર ખાણ ખનિજ કરતા અસામાજીક ૬ ઇમસો વિરૂદ્ધ સંકલનમાં રહી કામગીરી કરવામાં આવી છે. તેમજ પાંચ જિલ્લાના અસામાજિક ગુંડા તત્વો દ્વારા ગેર કાયદેસર બાંધકામ કરેલ ૧૦૬ અસામાજિક મિલકતોની ચકાસણી કરવામાં આવી હતી. જ્યારે ૯ ઇસમોના ગેર કાયદેસર બાંધકામ તોડી પાડી કાયદેસરની કાર્યવાહી કરવામાં આવી હતી, ગેર કાયદેસર વીજ જોડાણ ધરાવતાં ૨૧૨ અસામાજીક તત્વોના રહેણાક મકાનમાં વીજ ચેકીંગ કરી ૫૦ ઇસમોના વીજ ચેકીંગમાં ગેરરીતિ સામે આવતા વીજ કનેક્શન કાપી રૂ. ૨૫,૨૭,૪૨૧ નો દંડ ફટકારવામાં આવ્યો છે. જેમાં ૮ સામે ગુન્હો દાખલ કરવામાં આવ્યો છે. અને ૨ સામે એન.સી.દાખલ કરવામાં આવી છે…
મળતી માહિતી અનુસાર, ગુજરાત રાજ્યના પોલીસ મહાનિદેશક અને મુખ્ય પોલીસ અધિકારી ગુજરાત રાજય ગાંધીનગર દ્વારા ગુજરાત રાજ્યમાં કાયદો વ્યવસ્થા જળવાઇ રહે તેમજ લોકોમાં સુરક્ષા અને સલામતી અનુભવાય અને સ્થાનિક પોલીસ તેમજ વહિવટી તંત્રના માધ્યમથી અસામાજીક ગુંડા તત્વો વિરૂધ્ધ શિક્ષાત્મક કાર્યવાહી થાય તે અંતર્ગત ૧૦૦ કલાકમાં કડક કાર્યવાહિ કરવાની સૂચના આપી હતી. જે
અંતર્ગત રાજકોટ રેન્જ હસ્તકના જિલ્લા વિસ્તારમાં રહેતા કુલ – ૧૯૧૭
અસામાજીક ગુંડા તત્વોની યાદી તૈયાર કરવામાં આવી છે. અસામાજીક તત્વો વિરૂધ્ધ કાયદાકીય પગલા લેવાની સુચના મળતાં રાજકોટ રેન્જ વિસ્તારમાં અલગ અલગ કામગીરી કરવામાં આવી છે. જેમાં રાજકોટ રેન્જ હસ્તકના પાંચ જિલ્લાઓમાં અસામાજીક ગુંડા તત્વોની યાદી તૈયાર કરવામાં કરવામાં આવી હતી. જે યાદી માંથી ૨૮ ઈસમો ઉપર પાસા અને ૩૨ ઈસમો ઉપર હદપારીની દરખાસ્તો તૈયાર કરવામાં આવી છે. તેમજ યાદી માંથી કુલ-૨૨૪ ઇસમોની અટકાયત કરવામાં આવી છે. તેમજ GP Act-૧૩૫ ના ૪ કેસો કરવામાં આવ્યા છે. રાજકોટ રેન્જ હસ્તકના પાંચ જિલ્લાઓમાં ગેરકાયદેસર ખાણ ખનીજ કરતા અસામાજીક ગુંડા તત્વો ઉપર કાર્યવાહી કરી કુલ ૬ ઇસમો વિરુધ્ધ ખાણ ખનીજ વિભાગ સાથે સંકલનમાં રહી કાયદેસરની કાર્યવાહી કરવામાં આવી, રાજકોટ રેન્જ હસ્તકના પાંચ જિલ્લાઓમાં અસામાજીક ગુંડા તત્વો દ્રારા જો કોઇ ગેરકાયદેસર બાંધકામ કરવામાં આવેલ હોય તેવા કુલ ૧૦૬ અસામાજીક ગુંડા તત્વોની મિલકતોની ચકાસણી કરી કાર્યવાહી કરવા માટે વહિવટી તંત્ર વિભાગો સાથે સંકલનમાં રહી કુલ ૯ ઇસમોના ગેરકાયદેસર બાંધકામ ઉપર કાયદેસરની કાર્યવાહી કરવામાં આવી છે. અસામાજીક ગુંડા તત્વો દ્રારા પોતાના રહેણાંક મકાનોમાં ગેરકાયદેસર વિજ જોડાણ કરી ચોરી કરવામાં આવતી હોય તેવા ઇસમો વિરુદ્ધ વિજળી વિભાગો સાથે સંકલનમાં રહી કુલ ૨૧૨ ઇસમોના રહેણાંક મકાન ઉપર ચેકીંગ કરી તે દરમિયાન ૫૦ ઇસમોના વિજ કનેકશનમાં ગેરરીતી ઝડપાતા તેઓના વિજ કનેકશન કાપી રૂ.૨૫,૨૭,૪૨૧/- નો દંડ ફટકારી ૮ ઇસમો વિરુધ્ધ ગુન્હાઓ દાખલ કરવામાં આવ્યો છે. તેમજ ૨ ઇસમો વિરુધ્ધ એન.સી.દાખલ કરવામાં આવી છે. જ્યારે આ કામગીરી માટે બે દિવસની જ છે હજુ રાજકોટ રેન્જ હેઠળ આવતા જિલ્લાઓમાં કામગીરી ચાલુ રહેશે તેમ સ્પષ્ટ પોલીસે જાહેર કરી દીધું છે…તેમજ મોરબી એલ.સી.બી. કચેરી ખાતે મોરબી તાલુકા પોલીસ સ્ટેશન વિસ્તારમાં અલગ અલગ ગેર કાયદેસર પ્રવૃત્તિ સાથે જોડાયેલા ઈસમો જેવા કે પ્રોહી. બુટલેગર, એમ.સી.આર. વાળા ઈસમો તેમજ એચ.એસ. અને શરીર સંબંધી અને મિલકત સંબંધી ગુંહાઓની ટેવ વાળા ઇસમોને બોલાવી આરોપીઓની પૂછપરછ કરવામાં આવી હતી. તેમજ આવી પ્રવૃત્તિનું પુનરાવર્તન ન કરે તે માટે જરૂરી તાકીદ કરવામાં આવી હતી તેમજ હાલની પ્રવૃત્તિ અંગે જાણકારી મેળવવામાં આવી હતી.
